ក្រុមហ៊ុនអាកាសចរណ៏បារាំង

ក្រុមហ៊ុនអាកាសចរណ៏បារាំង ( Air France) មានឈ្មោះពេញថា Société Air France SA ជាក្រុមហ៊ុនអាកាសចរណ៍ជាតិរបស់ប្រទេសបារំាង ដែលមានស្នាក់ការកណ្តាលនៅTremblay-en-France ។ ក្រុមហ៊ុននេះជាក្រុមហ៊ុនដ៏ធំមួយនៅក្នុងពិភពលោក ដែលត្រូវបានបង្កើតឡើងនៅឆ្នាំ ១៩៣៣ ។ ក្រុមហ៊ុននេះប្រើយន្តហោះ អ៊ែរបីស (Airbus) និង ប៊ូអ៊ីង(Boeing) ធុនធំ សម្រាប់ការហោះហើរផ្លូវឆ្ងាយ ហើយប្រើយន្តហោះ អ៊ែរបីស A320 សម្រាប់ការហោះហើរផ្លូវជិត ។ ក្រុមហ៊ុននេះបានប្រើប្រាស់ អ៊ែរបីស A380​ ជាលើកដំបូងនៅថ្ងៃទី​ ២០ វិច្ឆិកា ២០០៩ ដោយចេញដំណើរពី ប៉ារីស ទៅ​ ញូយ៉ក ។

ក្រុមហ៊ុននេះមានទិសដៅក្នុងស្រុកចំនួន ៣៥ និង ទិសដៅក្នុងអន្តរជាតិចំនួន ១៥៦ ក្នុងនោះរួមមានទាំងទិសដៅមកទីក្រុងភ្នំពេញផងដែរ។