|
ស្ដីពី ការប្រកួតកីឡាបាល់ទាត់ រវាងក្រុមបាល់ទាត់ អគ្គីសនីក្រុម B និង ក្រុមសណ្ឋាគារ នៅសាលាដុនបូស្កូ ក្រុងព្រះសីហនុ
នៅថ្ងៃទី២១ខែវិច្ឆកា ឆ្នាំ២០០៧ នៅទីលានបាល់ទាត់ នៃសាលា បចេ្ចកទេសដុនបូស្កូ ក្រុងព្រះសីហនុ បានរៀបចំ ការប្រកួតកីឡាបាល់ទាត់ ជាលក្ខណៈ មិត្តភាព ក្នុងក្របខណ្ឌ័ ភូល B ដែលមានក្រុម ចូលរួមចំនួន ៥ក្រុម ក្នុងនោះមាន៖ ក្រុមអគ្គីសនី ក្រុមអូតូ ក្រុមក្រឡឹង ក្រុមសណ្ឋាគារ និងក្រុមគមនាគមសង្គម (Social Communication)។ ហើយនៅថ្ងៃទី ខែ ឆ្នាំ ផងដែរ គឺក្រុមសណ្ឋាគារ ប្រកួតនឹង ក្រុមអគ្គិសនី B)។ ការប្រកួត បានធ្វើឡើង នៅវេលាម៉ោង ១២ថ្ងៃត្រង់ បន្ទាប់ពី បាយថ្ងៃត្រង់រួច ព្រោះថាសាលាដុនបូស្កូ មានពេលទំនេរ តែក្រោយពេលបាយ ថ្ងៃត្រង់។ ការប្រកួតបានប្រព្រឹត្តទៅ យ៉ាងស្វាត់ស្វាញ និងសស្រាក់សស្រាំ ប្រមាណជា ២០នាទីក្រោយ នៃការប្រកួត មានសំលេងហូរកញ្រ្ចៀវ អឺងកង លាយឡំជាមួយ សំលេងទះដៃយ៉ាងខ្ញៀវខ្ញារ បន្លឺឡើង ដើម្បីអបអរសាទរ ក្រុមបាល់ទាត់ ខាងសណ្ឋាគារ បានទាត់បញ្ចូល ក្រុមអគ្គីសនី B ចំនួ ១ គ្រាប់ ដោយកីឡាករ ពាក់ផ្លាកលេខ១៤ ជាអក្នទាត់បញ្ចូលទី, បានធ្វើអោយ ក្រុមសណ្ឋាគារនាំមុខ ក្រុមអគ្គីសនី B ចំនួន ១គ្រាប់។ ប៉ុន្តែនៅនាទីក្រោយ បន្តមកទៀត ក្រុមអគ្គីសនីបានធ្វើការ វាយបកទៅលើ ក្រុមសណ្ឋាគារយ៉ាងខ្លាំង ប៉ុន្តែមិនមានឱកាស នឹងទាត់បញ្ចូលទី ព្រោះថា ខ្សែការពាររបស់ ក្រុមសណ្ឋាគារ គឺត្រូវបានការពារ យ៉ាងរឹងមាំ ថ្វីបើឱកាស នៃក្រុមអគ្គិសនី មានច្រើនណាស់ដែរ ក្នុងការទាត់បញ្ចូលទី ប៉ុន្តែជាអកុសល គ្មានគ្រាប់ណាមួយ ទាត់បញ្ចូលទីសោះ។ ពេលវេលា ចេះតែរំកិលទៅមុខ បន្តិចម្តងៗ ហើយការប្រកួត ក៏បានឈានដល់ ទីបញ្ចប់ហើយ៖ លទ្ធផលគឺ ក្រុមសណ្ឋាបានឈ្នះ ក្រុមអគ្គីសនី ចំនួន ១គ្រាប់ ប៉ុនែ្តមិនរំពឹងថា ក្រុមសណ្ឋាគារ នឹងឈ្នះការប្រកួត លើកក្រោយទៀតនោះទេ។ បើចង់ជ្រាបច្បាស់ សូមរងចាំអាន នៅថ្ងៃស្អែកបន្តទៀត ដែលជា ការប្រកួតរវាង ក្រុមអូតូ និងអគ្គីសនី B។
| 
