គណបក្សសំបុកឃ្មុំសង្គមប្រជាធិបតេយ្យ
គណបក្សសំបុកឃ្មុំសង្គមប្រជាធិបតេយ្យ (អង់គ្លេស៖ Beehive Social Democratic Party ហៅកាត់ថា BSDP) គឺជាគណបក្សនយោបាយនៅកម្ពុជា ដែលត្រូវបានបង្កើតឡើងក្នុងឆ្នាំ២០១៥ ដោយអ្នកសារព័ត៌មានវិទ្យុសំបុកឃ្មុំ លោក ម៉ម សូណង់ដូ។[១] គណបក្សនេះបានជាប់លេខទី៧ក្នុងចំណោមគណបក្សនយោបាយចំនួន២០ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨។
| គណបក្សសំបុកឃ្មុំសង្គមប្រជាធិបតេយ្យ Beehive Social Democratic Party | |
|---|---|
| អ្នកដឹកនាំ | ម៉ម សូណង់ដូ |
| បាវចនា | ស្ម័គ្រចិត្ត ប្តេជ្ញា បូជាដើម្បីជាតិ |
| បង្កើត | ថ្ងៃទី២ ខែកក្កដា ឆ្នាំ២០១៥ |
| មនោគមវិជ្ជា | សង្គមប្រជាធិបតេយ្យ |
| ពណ៌ផ្លូវការ | លឿង, បៃតង |
| រដ្ឋសភា | ០ / ១២៥
|
| ព្រឹទ្ធសភា | ០ / ៦២
|
| ក្រុមប្រឹក្សាឃុំសង្កាត់ | ១ / ១១៥៧២
|
| គេហទំព័រ | |
| http://www.bsdp-party.org/ | |
| នយោបាយនៅកម្ពុជា គណបក្សនយោបាយ ការបោះឆ្នោត | |
គោលនយោបាយ
កែប្រែគោលការណ៍សំខាន់ដើម្បីផ្ដល់ជីវភាព និងភាពថ្លៃថ្នូរ ដល់ប្រជាពលរដ្ឋក្នុងឃុំ-សង្កាត់ដូចខាងក្រោម៖[២]
១. បោសសំអាត អំពើពុករលួយ គ្រឿងញៀន ល្បែងស៊ីសង និងបម្រើសេវាសាធារណៈ ដោយគោរពតាមច្បាប់កំណត់។
២. ប្រជាពលរដ្ឋត្រូវមានបាយទទួលទាន មានពេទ្យព្យាបាល មានការសិក្សាប្រកបដោយគុណភាព និងក្រមសីលធម៌។
៣. ការពារដីធ្លី លំនៅឋាន និងទប់ស្កាត់បទល្មើសនេសាទខុសច្បាប់។
៤. ជួសជុល និងកសាងបន្ថែមហេដ្ឋារចនាសម្ព័ន្ធ ដូចជា៖ លូបង្ហូរទឹក ផ្លូវលំ ស្ពាន ទំនប់ទឹក ប្រឡាយទឹក និងអណ្ដូងទឹក។
៥. បង្កើតក្លឹបកីឡាសម្រាប់យុវជន បង្កើតការងារ និងតំបន់ទេសចរណ៍។
ឯកសារយោង
កែប្រែ- ↑ Sonando’s Beehive party takes first steps The Phnom Penh Post, 02 July 2015
- ↑ គោលនយោបាយគណបក្សសំបុកឃ្មុំសង្គមប្រជាធិបតេយ្យ rfa, 20 May 2017