ច្បាប់ប៉ាស្កាល់

ច្បាប់ប៉ាស្កាល់ ឬគោលការណ៍ប៉ាស្កាល់ ជាច្បាប់មួយនៅក្នុងមេកានិចនៃសន្ទនីយ៍ដែលរកឃើញដោយអ្នកប្រាជ្ញបារាំង ប្លែស ប៉ាស្កាល់ (Blaise Pascal)។

ផ្ទៃលើរបស់អង្គធាតុរាវជាប់​មានកំពស់ស្មើគ្នាមិនថា​ផើងដែលផ្ទុកវាមានរាងបែបណាទេ

ពំនោលច្បាប់

• នៅក្នុងអង្គធាតុរាវមានលំនឹងនិងមានម៉ាស់មាឌស្មើសាច់ គ្រប់ចំនុចដែលមានជំរៅដូចគ្នាមានសំពាធដូចគ្នា។

ពីច្បាប់នោះ យើងអាចទាញរកទ្រឹស្ដីបទគ្រឹះនៅក្នុងអ៊ីដ្រូស្តាទិចដូចតទៅ៖

• នៅក្នុងអង្គធាតុរាវមានលំនឹងនិងមានម៉ាស់មាឌស្មើសាច់ ផលសងរវាងសំពាធ២ចំនុច ស្មើនឹងទំងន់របស់សរសេរអង្គធាតុរាវដែលមានផ្ទៃមុខកាត់​ 1m² និងកំពស់ជាផងសងជំរៅរបស់ចំនុចទាំង២នោះ។
• គ្រាប់សំពាធទាំងអស់ដែលមានអំពើលើអង្គធាតុរាវមួយ ដាល(បញ្ជូនបន្ត)ទៅគ្រប់ផ្នែកនិងគ្រប់ទិសទាំងអស់ក្នុងអង្គធាតុរាវនោះ។

រូបមន្ត

• ផលសងរវាងសំពាធ២ចំនុចដែលស្ថិតនៅជំរៅ h₁ និង h₂ ផ្ដល់ដោយរូបមន្ត

$P_{2}-P_{1}=\rho g(h_{1}-h_{2})\,$

ដែល $\rho$ (រ៉ូ) ជា ម៉ាស់មាឌរបស់អង្គធាតុរាវ ហើយ g ជាសំទុះទំនាញដី។

យើងអាចទាញរកដោយងាយ នូវរូបមន្តទូទៅរបស់សំពាធត្រង់ចំនុចណាមួយក្នុងអង្គធាតុរាវ នៅជំរៅ h៖

$P=P_{0}+\rho gh\,$

ដែល P₀ ជាសំពាធលើផ្ទៃអង្គធាតុរាវ (ជាសំពាធបរិយាកាស បើសិនជាផ្ទៃលើរបស់វានៅចំហ)

• បើសិនជាកំលាំង F_i មួយមានអំពើលើផ្ទៃ S_i នៃអង្គធាតុរាវជាប់ នោះនឹងមានកំលាំង F_f មានអំពើលើផ្ទៃ S_f ដែលទំហំទាំងនេះមានទំនាក់ទំនង៖

$F_{i}/S_{i}=F_{f}/S_{f}\,$

អនុវត្តន៍

• សំពាធកើនឡើងជាអនុគមន៍នៃជំរៅ។ សំពាធទឹកសមុទ្រនៅជំរៅ១០ម មានទំហំ២ដងនៃសំពាធបរិយាកាស។
• ឃ្នាបអ៊ីដ្រូលិច ដំនើរការដោយផ្អែកលើគោលការណ៦នេះ។បើសិនជាយើងសង្កត់ដោយកំលាំងf 1 N ទៅលើផ្ទៃ 0,01 m²នោះយើងនឹងបានកំលាំង 100 N នៅលើផ្ទៃ 1 m²។