ឆោមស្រស់
ច្រៀងដោយ នភ ហង្សផលា
និពន្ធបទភ្លេង និងទំនុកច្រៀង ដោយ នភ ហង្សផលា ឆ្នាំ២០០៩
១. ឆោមស្រស់កល្យាណសំណព្វដួងចិត្ត ក្នុងមួយជីវិតរៀមពិតស្នេហ៍ស្រី
ប្រាថ្នាជាគូ រួមរស់មេត្រី គាប់ដួងហឬទ័យពេញក្នុងឧិរា។
២. រៀមគ្មានទ្រព្យធនឬបុណ្យសក្តិយស មានតែចិត្តស្មោះជួនស្រស់កនិដ្ឋា
ឧិ!ស្រស់នឹមនួនម្ចាស់ចិន្តា សូមពៅជីវារក្សាផង ។
បន្ទរ. ទោះមេឃរំលំភ្នំដួលរលាយ ចិត្តរៀមមិនណាយពីនួនល្អង
ក្តីស្នេហ៍បរិសុទ្ធពន់ពេកកន្លង ថែជូនស្នេហ៍ស្នងបណ្តូលជីវិត ។
៣. ឆោមឆើតមាសស្នេហ៍កែវបងអើយ មានតែអូនហើយជាម្ចាស់ដួងចិត្ត
ជាតិនេះរៀមរ៉ាសច្ចានែបនិត្យ ជាគូជីវិតរៀងដរាបអើយ ៕