ជ្រៃយូស
រមណីយដ្ឋានជ្រៃយូសមានទីតាំងស្ថិតនៅភូមិឡៅកា ឃុំសុខដុម និងភូមិពូលូង ឃុំរមនា ស្រុកសែនមនោរម្យ ខេត្តមណ្ឌលគិរី និងមានចម្ងាយផ្លូវប្រហែល ៦គីឡូម៉ែត្រ ពីទីរួមខេត្ដ ដោយធ្វើដំណើរតាមផ្លូវលំគ្រួសក្រហម ។ រមណីយដ្ឋានជ្រៃយូសគ្រប់គ្រងដោយមានការសម្របសម្រួលពីគណៈកម្មាធិការប្រតិបត្ដិខេត្ដមណ្ឌលគិរី និងឧបត្ថម្ភថវិកាមួយចំនួនពីអង្គការដានីដារបស់ប្រទេសដាណឺម៉ាក។ រមណីយដ្ឋានជ្រៃយូសមានទឹកជ្រោះ ធម្មជាតិ ព្រៃ ភ្នំ ខ្យល់អាកាសល្អ និងភ្នំជាច្រើន ។ រមណីយដ្ឋាន ជ្រៃយូសមានអូរត្រេក និងអូរត្រាអមសងខាង ។ អូរត្រេកមានទំហំ ៥ម នៅរដូវវស្សា រដូវប្រាំងប្រហែល ១.៥ម។ ចំណែកអូរត្រាមានទំហំប្រហែល ៤ម នៅរដូវវស្សា ហើយរដូវប្រាំងមានទំហំប្រហែល ១ម ។