ទំនាក់ទំនង ឬ​ការប្រស្រ័យទាក់ទង​ គឺជាដំណើរការនៃការផ្តល់ព័ត៌មានពីមនុស្សម្នាក់ទៅមនុស្សម្នាក់ ពីមនុស្សម្នាក់​ទៅមនុស្សច្រើន​នាក់ ។ ដំណើរការ​នៃ​ការទំនាក់ទំនង​គឺ​ជា​ឥទ្ធិពល​ក្នុង​ការ​សម្រុះសម្រួល​រវាងមនុស្ស​ យ៉ាងតិច​ពីរនាក់ ដែលផ្លាស់ប្តូរ​គំនិត​គ្នា​ទៅ​វិញទៅ​មក ។ ការទំនាក់ទំនងមានច្រើនប្រភេទ ដូចជាៈ

  • ទំនាក់ទំនង​ដោយ​​ប្រើប្រាស់​ភ្នែក កាយវិការ ឬ​ការធ្វើត្រាប់
  • ទំនាក់ទំនង​ដោយ​ប្រើ​​ប្រាស់​សំឡេង ដូចជាភាសាមនុស្ស ប៉ុន្តែវាក៏អាចជា​សំឡេង​របស់​សត្វ​ដែរ ដូច​ជា​សំឡេង​ឆ្កែព្រុស សំឡេង​ចាប​យំ ឬ​សំឡេង​សត្វ​ឆ្មា ។
  • ទំនាក់ទំនងដោយការ​ស្ទាប ឬ​ប៉ះពាល់
  • ទំនាក់ទំនង​ដោយ​ប្រើបា្រស់​ក្លិន
  • ទំនាក់​ទំនង​ដោយ​ការ​ប្រើបា្រស់​តួ​​អក្សរ​សម្រាប់​សរសេរ​បញ្ចេញ​គំនិត
Model of Shannon
Communication

នៅ​ទី​នេះ យើង​ពិភាក្សា​តែ​វិធី​ប្រស្រ័យ​​គ្នា​របស់​មនុស្ស​ ដែល​​មានវីធីច្រើន​យ៉ាង ។ អ្នកផ្ញើសារសរសេរសារ​អំពីគំនិតរបស់ខ្លួន​ទៅ​កាន់​អ្នក​ទទួល​សារ ។ អ្នកផ្ញើ​​សារ​​បញ្ជូន​សារតាមឧបករណ៍ព័ត៌មាន​ច្រើន​ប្រភេទ ។ អ្នកទទួល​សារ​ត្រូវ​មាន​ឧបករណ៍​សម្រាប់​បកប្រែ​សារ​នោះ​ដើម្បី​ឲ្យ​មនុស្ស​អាន​និង​យល់​ន័យ ។ ដើម្បី​ទទួល​បាន​ជោគជ័យ​ក្នុង​ការ​ផ្លាស់ប្តូរសារ អ្នកផ្ញើ​សារ​និង​អ្នកទទួលសារ ត្រូវព្រម​ព្រៀង​គ្នា​ជា​មុន​​​អំពីពាក្យ​​​ពេចន៍ ប្រយោគ ឬ​សញ្ញា​សម្គាល់​នានា ដែល​ត្រូវ​ធ្វើ​នោះ ។