ប្រាសាទចេកក្បូរ

ប្រាសាទ​ចេក​ក្បូរ​ស្ថិតនៅក្នុងភូមិឈូក ឃុំក្រសាំងស្រុកចុងកាល់ ខេត្តឧត្តរមានជ័យ សាង​នៅ​លើ​ទីទួលដែលមានទំហំ ៣០ ម៉ែត្រ គុណនឹង ៣០ ម៉ែត្រ។ ប្រាសាទចេកក្បូរ មាន​៣​ដោយ​សាង​ទន្ទឹម​គ្នា​សព្វ​ថ្ងៃ​នេះ​នៅ​សល់​តែ​ពីរ​ប៉ុណ្ណោះ ។ ប្រាសាទកណ្តាលមានទំហំ ៥ ម៉ែត្រគុណ និង ៥ ម៉ែត្រ និង កម្ពស់ ១០ ម៉ែត្រ ដែល​ប្រាសាទ​កណ្តាល​នេះ​ត្រូវ​បាន​បុព្វបុរស​ខ្មែរ​សាង​ឡើង​តំណាង​ឱ្យ​អំណាច​កំពូល (ដូចជាថ្នាក់មជ្ឈិម ឬ ប្រមុខរដ្ឋ) ។ ចំពោះប្រាសាទពីរទៀតដែលនៅអមសងខាងគឺតំណាងឱ្យអំណាចតំបន់ ឬ ថ្នាក់ខេត្តក្រុង ។ ប្រាសាទ​ចេកក្បូរ​ត្រូវ​បាន​កសាង​ឡើង​អំឡុង​ឆ្នាំ (៦១៦-៦៣៥) ដើម សតវត្សរ៍​ទី​៧​រជ្ជ​កាល​ព្រះបាទឥសាន្តវរ្ម័នទី ១ ។ ប្រាសាទ​នេះ​សាង​ឡើង​ពី​ឥដ្ឋ​តាន់ ហើយ​ខ្លោងទ្វារធ្វើពីថ្មភក់ រចនាបថសម្បូរព្រៃគុហ៍​មាន ៥ ថ្នាក់ ។