ផ្នែកទំនាក់ទំនងសង្គម និង សារព័ត៌មាន
ផ្នែកទំនាក់ទំនងសង្គមនិង សារព័ត៌មាន គឺជាផ្នែកមួយដែលបានឡើង នៅខែ តុលា ឆ្នាំ ២០០៧ នៅក្នុង សាលាដុនបូស្កូខេត្តព្រះសីហនុ ខេត្តព្រះសីហនុ ហើយបានបង្កើតទីតាំងមួយទៀតនៅខេត្តកែប មជ្ឈមណ្ឌលបណ្ដុះបណ្ដាលវិជ្ជាជីវៈដុនបូស្កូ ក្នុងឆ្នាំ២០១១។មជ្ឈមណ្ឌលបណ្ដុះបណ្ដាលវិជ្ជាជីវៈដុនបូស្កូ ខេត្តកែបបានចាប់ផ្តើមជាមួយនឹងសិស្សចំនួន ១៦នាក់ (ប្រុស) និង០៥នាក់(ស្រី) និងដែលមកពីគ្រួសារក្រីក្រ ក្នុងគោលបំណងផ្តល់អោយពួកគេនូវជំនាញបច្ចេកទេស ដែលទាក់ទងនឹងព័ត៌មានសង្គម និងការផ្សព្វផ្សាយព័ត៌មានជាដើម ។គណៈគ្រប់គ្រងផ្នែកទំនាក់ទំនងសង្គមបានសម្រេចចិត្តជ្រើសរើសសិស្សបន្ថែមរហូតដល់ ២០នាក់ក្នុងមួយឆ្នាំៗ មុខវិជ្ជាដែលត្រូវសិក្សាក្នុងផ្នែកសមស្របទៅនឹងសិស្សស្រី ហើយបន្ទាប់ពី បញ្ចប់សិស្សស្រី នឹងអាចដើរតួចូលរួមយ៉ាងសំខាន់ក្នុង ការអភិវឌ្ឍន៍សង្គមជាតិ។ ផ្នែកនេះទទួលយុវជនដែលមកពីតំបន់ផ្សេងៗ នៅ ប្រទេសកម្ពុជាមានគ្រួសារមួយចំនួនធំដែលមានជីវភាពក្រលំបាកពិសេសនោះគឺមិនមានលទ្ធភាពអោយកូនចូលរៀន នៅសាលាដែលបង់ថ្លៃដើម្បីជាការចូលរួមកសាងធនធាន មនុស្សនៅប្រទេសកម្ពុជា អោយបានរីកចំរើនឡើងនូវផ្នែកប្រព័ន្ធព័ត៌មានដូចជា ភាសាអង់គ្លេស ប្រព័ន្ធអ៊ីនធើណែត កាសែត ទស្សនាវដ្តី វិទ្យុ ទូរទស្សន៍ និងប្រព័ន្ធផ្សព្វផ្សាយដទៃៗទៀត ។
ដុនបូស្កូពិភពលោក បានចាប់ផ្តើមអនុវត្តន៍ផ្នែកព័ត៌មាននេះចាប់តាំងពី កិច្ចការដំបូងរបស់លោកឪពុក បងប្រុស បងស្រីដែលជាក្រុមគ្រួសារសាឡេស៊ាន នៅប្រទេសអ៊ីតាលីនៅក្នុងសត្សវត្សទី ១៩ ។ ចំពោះដុនបូស្កូលោកបានផ្តល់នូវសំភារៈសំខាន់ៗជាច្រើនដែល ជាឧបករណ៍សំរាប់បង្ហាត់ បង្រៀនដល់យុវជន ជាពិសេសនោះចំពោះយុវជនដែលក្រីក្រ ។ លោកឪពុកមានម៉ាស៊ីនបោះពុម្ព ហើយលោកបាន ធ្វើការបោះពុម្ភ សៀវភៅ ទស្សនាវដ្តី ការសែតផ្សេងៗ…។ បន្តិចម្តងៗ អ្នកដឹកនាំក្រុមគ្រួសារសាឡាស៊ានទូទាំងពិភពលោក បានដាក់ឈ្មោះផ្នែកនេះ ថាផ្នែកទំនាក់ទំនងសង្គម (SOCIAL COMMUNICATION SECTION) ទាក់ទងនឹងផ្នែកទំនាក់ទំនងសង្គមនេះដែរ ក៏បានផ្តើមអភិវឌ្ឍអោយមាននៅតាមបណ្តាប្រទេសមួយចំនួន ដូចជា ភីលីពីន ឥណ្ឌា កូរ៉េខាងត្បូង …ដែលបណ្តាប្រទេសទាំងនោះកំពុងតែធ្វើ និងអនុវត្តន៍ផ្នែកនេះយ៉ាងល្អប្រសើរ ដូចជា ការបោះពុម្ព កាសែត វីដេអូ ទស្សនាវដ្តី វិទ្យុ ទូរទស្សន៍ … ។
ពីមួយឆ្នាំទៅមួយឆ្នាំ ផ្នែកទំនាក់ទំនងសង្គម នៃសាលាបច្ចេកទេសដុនបូស្កូមានការអភិវឌ្ឍន៍ឈានទៅមុខយ៉ាង ខ្លាំងទៅលើគុណភាពនៃការសិក្សាអប់រំ សីលធម៌ សុជីវធម៌ និងមានការពង្រឹងពីសក្តានុពលភាពបច្ចេកទេសរបស់ខ្លួនមានន័យថា ប្រមូលផ្តុំលោកគ្រូអ្នកគ្រូដែលមានជំនាញច្បាស់លាស់ (ខ្មែរ-បរទេស)ទំនាក់ទំនង ភាសាអង់គ្លេស និងសំភារៈឧបករណ៍ទំនើបៗស្របតាមសម័យកាលវិទ្យាសាស្រ្តជាច្រើន ។ លើសពីនេះទៅទៀត ផ្នែកទំនាក់ទំនងសង្គមក៏បានបែងចែកជំនាញធំៗពីរ (ក្នុងឆ្នាំទីពីរ) គឺជំនាញវែបម៉ាស់ស្ទើ (Webmaster) និង កាត់តវីដេអូ វិទ្យុ… (Audio Editor) ទន្ទឹងនឹងនោះផ្នែកក៏នៅតែពង្រឹងមុខវិជ្ជាផ្សេងៗដូចជា៖
- មុខវិជ្ជាសារព័ត៌មាន (កាសែត ទស្សនាវដ្តី ទូរទស្សន៍ វីដេអូ ការធ្វើបទសម្ភាសន៍....)
- ភាសាអង់គ្លេស (ស្តាប់ និយាយ សសេរ…)
- រដ្ឋបាលសាធារណៈ វប្បធម៌ ប្រវត្តិសាស្រ្ត សេដ្ឋកិច្ច និងព័ត៌មានវិជ្ជា …សំរាប់ឆ្នាំទីពីរ ចំពោះឆ្នាំទីមួយរៀនពីមូលដ្ឋានគ្រឹះផ្សេងៗដូចបានរៀបរាប់ខាងលើ ។
មុខវិជ្ជាសំខាន់ៗទាំងពីរខាងក្រោម ៖
- ជំនាញវែបម៉ាស្ទើ (Webmaster) សិក្សាសង្កត់ធ្ងន់ទៅលើការបង្កើតវិបសាយ រចនាវិបភេក ឡូហ្គូ រៀនពីភាសាអ៊ីធើណែត ( HTML JAVA ASP PHP…) ប្រើប្រាស់អ៊ីម៉េល និងកម្មវិធីផ្សេងៗ ដែលសិក្សាលើវិបសាយរបស់អ៊ីធើណែត ។
- ជំនាញកាត់ត វីដេអូ វិទ្យុ… (Audio Editor) សំដៅលើការប្រើប្រាស់ម៉ាស៊ីនថត កាមារ៉ាវីដេអូ កាត់តវីដេអូ វីទ្យុ ទូរទស្សន៍ រៀនធ្វើជាពិធីករវិទ្យុ ទូរទស្សន៍ …។