ឥស្លាមសាសនា៖ ភាពខុសគ្នារវាងកំណែនានា

 

 

មហាម៉ាត់ ជា​សាស្ត្រាចារ្យ​របស់​ជនជាតិ​អារ៉ាប់ កើត​នៅ​ស្រុក​មេកៈ (Mosquito) រវាង ព.ស. ១១១៣ និង គ.ស. ៥៧០ ជា​ពូជ​វង្សត្រកូល​របស់​ហស្ជេម (Haschem) ដែល​ជា​វង្ស​មាន​ឈ្មោះ​ល្បីល្បាញ​ទូទៅ​ក្នុង​ពួក​កូរេឥច្ច (Koréichite) កំព្រា​តាំងពី​តូច ជីតា​យក​ទៅ​ចិញ្ចឹម តមក​ខាងក្រោយ​អត់​អំពី​ជីតា​ទោ បាន​ទៅ​នៅ​អាស្រ័យ​នឹង​ឪពុកមា​ឈ្មោះ​អាប៊ូតាលេប (Abou-Talep) មាន​ការ​ចិញ្ចឹម​ជីវិត​ដោយ​ពាណិជ្ជកម្ម មាន​លក្ខណៈ​ជា​បុគ្គល​មាន​សេចក្ដី​ក្លាហាន​អង់អាច មាន​ចិត្ត​សាធារណ៍ ចិត្តទូលាយ បាន​នាង​កដិដជៈ ជា​ស្ត្រី​មេម៉ាយ មាន​ទ្រព្យសម្បត្តិ​ស្ដុកស្ដម្ភ​ជា​ភរិយា​។ អាស្រ័យហេតុនេះ ទើប​បណ្ដាល​ឱ្យ​មហាម៉ាត់​មាន​ឥទ្ធិពល មាន​អនុភាព​រីក​ធំ​ទូលាយ​ឡើង​ក្នុង​ជាតិ​របស់​ខ្លួន​។