ចាន់ សុវ៉េត៖ ភាពខុសគ្នារវាងកំណែនានា
បានបង្កើតទំព័រដែលផ្ដើមដោយ ចាន់ សុវេត (Chan Soveth) គឺជាមន្ត្រីស៊ើបអង្កេត... |
(គ្មានភាពខុសគ្នា)
|
កំណែនៅ ម៉ោង១៣:៣៤ ថ្ងៃពុធ ទី១០ ខែធ្នូ ឆ្នាំ២០១៤
ចាន់ សុវេត (Chan Soveth) គឺជាមន្ត្រីស៊ើបអង្កេតមួយរូបនៃសមាគមអាដហុក (ADHOC) ចាប់តាំងពីឆ្នាំ១៩៩៥ រហូតដល់ឆ្នាំ២០១៤ ។ លោកមានស្រុកកំណើតនៅភូមិកណ្ដាល ឃុំព្រៃរ៉ៃ ស្រុកល្វាឯម ខេត្តកណ្ដាល ។ លោក ចាន់ សុវេត បានទទួលមរណភាពនៅថ្ងៃពុធ ទី១០ ខែធ្នូ ឆ្នាំ២០១៤ នៅវេលាម៉ោង ១៤ និង ៥៥ នាទី ។
ជីវិត និង ការសិក្សា
លោក ចាន់ សុវេត មានបងប្អូនបួននាក់ ប្អូនប្រុសមួយ និងប្អូនស្រីពីរ ហើយលោកជាកូនច្បងគេ ។ ឪពុកម្ដាយរបស់លោកបានទទួលអនិច្ចកម្មតាំងពីសម័យខ្មែរក្រហមមកម្ល៉េះ ។ លោកមានកូនប្រុសពីរនាក់ និងកូនស្រីម្នាក់ ។ លោកបានសិក្សាបញ្ចប់អនុបណ្ឌិតផ្នែកច្បាប់ ។
សកម្មភាពការងារ
លោក ចាន់ សុវេត ធ្លាប់បានបម្រើការងារជាគ្រូបង្រៀននៅសាលាបង្រៀនឯកជនសំពៅមាស នៅឆ្នាំ១៩៩៣ ដល់ ១៩៩៤ ។ ក្រៅពីនេះលោកក៏បានបម្រើការងារជាមួយអ៊ុនតាក់ ក្នុងនាមជាអ្នកសង្កេតការណ៍បោះឆ្នោតដែរ ។ លុះក្រោយមក ទើបលោកបានចូលបម្រើការងារនៅសមាគមអាដហុក ។ ក្នុងកំឡុងពេលការងារនៅសមាគមជាង ១៩ ឆ្នាំមកនេះ ពោលគឺមុនការទទួលមរណភាព លោកបានចូលរួមក្នុងសកម្មភាពជាច្រើន ដើម្បីជួយប្រជាពលរដ្ឋក្នុងការទាមទារសិទ្ធិនានា ។
មរណភាព
លោកបានទទួលមរណភាពកាលពីថ្ងៃពុធ ទី១០ ខែធ្នូ ឆ្នាំ២០១៤ វេលាម៉ោង ១៤ និង ៥៥ នាទី នៅគេហដ្ឋានរបស់លោក ដោយសារជំងឺគាំងបេះដូង ។ លោកមានគោលបំណង ចង់ឲ្យកូនប្រុសច្បងរបស់លោកដែលទើបប្រឡងជាប់មធ្យមសិក្សាទុតិយភូមិ បានចូលបម្រើការងារនៅសារព័ត៌មានភ្នំពេញប៉ុស្តិ៍ ។[១]
យោង
- ↑ មុនស្លាប់ លោក ចាន់ សុវេត ចង់ឲ្យកូនប្រុសក្លាយជាអ្នកកាសែតភ្នំពេញប៉ុស្តិ៍, គេហទំព័រថ្មីៗ, http://thmeythmey.com/index.php?page=detail&ctype=article&id=21062&lg=kh&#detail_block_read