សាធារណរដ្ឋរុស្ស៊ី

ចំពោះសាធារណរដ្ឋធម្មនុញ្ញនៃសហភាពសូវៀត សូមមើល សាធារណរដ្ឋសង្គមនិយមសហព័ន្ធសូវៀតរុស្ស៊ី។ ចំពោះ ប្រទេសរុស្ស៊ីបច្ចុប្បន្នសូមមើល រុស្ស៊ី។ ចំពោះ តំបន់រដ្ឋបាល (សហព័ន្ធ)សូមមើល សាធារណរដ្ឋនៃសហព័ន្ធរុស្ស៊ី។

សាធារណរដ្ឋរុស្ស៊ី (ភាសារុស្ស៊ី៖ Российская Республика) គឺជារដ្ឋមួយដែលមានអត្ថិភាពយ៉ាងខ្លីនៅអំឡុងឆ្នាំ១៩១៧។ សាធារណរដ្ឋរុស្ស៊ីបានគ្របដណ្តប់លើដែនដីស្ទើរទាំងអស់នៃអតីតចក្រភពរុស្ស៊ី ហើយវាត្រូវបានប្រកាសបង្កើតឡើងនៅថ្ងៃទី១ ខែកញ្ញា ឆ្នាំ១៩១៧ នៅក្នុងក្រឹត្យមួយដែលបានចុះដោយអាឡិចសាន់ដឺ ឃេរិនស្គី (ប្រធានរដ្ឋមន្ត្រី) និងលោកអាឡិចសាន់ដឺ ហ្សារុតនី (មន្ត្រីក្រសួងយុត្តិធម៌)។

សាធារណរដ្ឋរុស្ស៊ី Российская Республика
១៩១៧
ទង់ជាតិ វរលញ្ឆករ
ភ្លេងជាតិ Рабочая Марсельеза Rabochaya Marsel'yeza "បទភ្លេងនៃកម្មករ"Гимн Свободной России Gimn Svobodnoy Rossii "ភ្លេងជាតិនៃរុស្ស៊ីសេរី" (មិនផ្លូវការ)
ត្រារដ្ឋាភិបាល៖
ធានី	ពេតូក្រាត
ភាសាទូទៅ	ភាសារុស្ស៊ី
រដ្ឋាភិបាល	សាធារណរដ្ឋសហព័ន្ធប្រជាធិបតេយ្យ
ប្រធានរដ្ឋមន្ត្រី
▪ កញ្ញា–វិច្ឆិកា ១៩១៧	អាឡិចសាន់ដឺ ឃេរិនស្គី
នីតិបញ្ញត្តិ	ក្រុមប្រឹក្សាបណ្តោះអាសន្ន (១៩១៧) សភាធម្មនុញ្ញ (១៩១៨)
សម័យកាលប្រវត្តិសាស្រ្ត	សង្គ្រាមលោកលើកទី១/បដិវត្តន៍រុស្ស៊ី
▪ បដិវត្តន៍ខែកុម្ភៈ	៨–១៦ មីនា ១៩១៧
▪ ប្រកាសជាសាធារណរដ្ឋ	១៤ កញ្ញា ១៩១៧
▪ រដ្ឋប្រហារបុលសេវិក	៧ វិច្ឆិកា ១៩១៧
▪ សភាធម្មនុញ្ញ ត្រូវរំលាយ	១៩ មករា ១៩១៨
រូបិយវត្ថុ	លុយរូប
Preceded by Succeeded by រដ្ឋាភិបាលបណ្តោះអាសន្នរុស្ស៊ី សសសស រុស្ស៊ី រដ្ឋរុស្ស៊ី អ៊ុយក្រែន ហ្វាំងឡង់ ម៉ុលដាវី

ក្រោយពីបានឡើងកាន់កាប់អំណាច បក្សបុលសេវិកបានសម្តៅលើឈ្មោះប្រទេសរុស្ស៊ីថាជាសាធារណរដ្ឋរុស្ស៊ីដដែររហូតទាន់តែឈ្មោះ"សាធារណរដ្ឋសង្គមនិយមសហព័ន្ធសូវៀតរុស្ស៊ី"ត្រូវបានអនុម័តឡើងជាផ្លូវការ។ នៅអំឡុងឆ្នាំ១៩១៨ ក្រុមសាធារណរដ្ឋបានព្យាយាមបង្កើតសាធារណរដ្ឋរុស្ស៊ីឡើងវិញដោយលើកនេះមានឈ្មោះថា"សាធារណរដ្ឋសហព័ន្ធប្រជាធិបតេយ្យរុស្ស៊ី" ប៉ុន្តែត្រូវបានទទួលបរាជ័យ។ កិច្ចសម្រេចនេះត្រូវបានធ្វើឡើងដោយសភាធម្មនុញ្ញនៃសហព័ន្ធរុស្ស៊ីរួមហើយថែមទាំងបានអនុម័តរដ្ឋធម្មនុញ្ញថ្មីផងដែរក៏ប៉ុន្តែវាមិនត្រូវបានអនុវត្តទេព្រោះសភាត្រូវបានរំលាយនៅថ្ងៃដដែរនោះហើយម៉្យាងទៀត ទឹកដីរុស្ស៊ីភាគច្រើនគឺកំពុងស្ថិតនៅក្រោមការគ្រប់គ្រងរបស់បក្សបុលសេវិក។

ឈ្មោះ

ពាក្យថា"សាធារណរដ្ឋរុស្ស៊ី"គឺសម្តៅទៅលើសម័យកាលដែលប្រទេសរុស្ស៊ីត្រូវប្រកាសចេញជាសាធារណរដ្ឋពោលគឺអំឡុងខែកញ្ញា ឆ្នាំ១៩១៧។ វាមិនគួរយកទៅប្រើនៅក្នុងអំឡុងអវត្តមាននៃរាជាធិបតេយ្យពីខែមីនា ដល់ខែកញ្ញា ឆ្នាំ១៩១៧ នោះទេព្រោះនាពេលចន្លោះនោះមានមនុស្សជាច្រើនបានសម្តៅលើប្រទេសរុស្ស៊ីថាជាសាធារណរដ្ឋដោយសារតែស្ថានភាពអនាគតនៃរាជាធិបតេយ្យគឺមិនទាន់បាន"ដោះស្រាយ"រួច។

នយោបាយ

រដ្ឋាភិបាលនៃសាធារណរដ្ឋនេះគឺជាអ្នកស្នងបន្តពីរដ្ឋាភិបាលបណ្តោះអាសន្នរុស្ស៊ី ហើយវាបានកាន់កាប់ទឹកដីប្រទេសរុស្ស៊ីបានល្មមគួរសមដែរដោយទឹកដីមួយភាគធំទៀតត្រូវគ្រប់គ្រងដោយពួកសូវៀត (បុលសេវិក)។ សូវៀតគឺជាអង្គការនយោបាយរបស់វណ្ណៈអធនដែលប្រពៃខ្លាំងខាងផ្នែកឧស្សាហកម្មហើយវាត្រូវបានត្រួតត្រាដោយបក្សពួកឆ្វេងនិយម។ សូវៀតដែលមានប្រជាប្រិយភាពខ្លាំងចំពោះប្រជាជនរុស្ស៊ីក៏បានទទួលបន្ថែមនូវកងកម្លាំងប្រដាប់អាវុធហើយមិនយូរប៉ុន្មាន វាក៏អាចប្រយុទ្ធតតាំងជាមួយរដ្ឋាភិបាលបណ្តោះអាសន្នរុស្ស៊ីបាន។

ការគ្រប់គ្រងរបស់រដ្ឋាភិបាលបណ្តោះអាសន្នមកលើវិស័យយោធាគឺមានលក្ខណៈស្រាលបំផុត។ ឧទាហរណ៍៖ កម្មករនាវានៅសមុទ្របាល់ទិកជាច្រើនមានទស្សនៈនយោបាយឆ្វេងនិយមហើយបាននាំគ្នាចូលរួមយ៉ាងសកម្មនៅក្នុងសកម្មភាពនយោបាយនៅឯរដ្ឋធានី។ មន្ត្រីយោធាជាច្រើនបានប្រកាន់នយោបាយស្លាបស្តាំហើយវាក៏បានផ្តល់បញ្ហាមួយចំនួនដល់សាធារណរដ្ឋផងដែរ – ឧទាហរណ៍៖ លោកឧត្តមសេនីយ៍ឡាហ្វ កូនីលូវបានខិតខំប្រឹងប្រែងធ្វើរដ្ឋប្រហារទម្លាក់រដ្ឋាភិបាលរបស់លោកឃេរិនស្គីតែត្រូវទទួលបរាជ័យ។

មើលផងដែរ

• ចក្រភពរុស្ស៊ី
• សង្គ្រាមផ្ទៃក្នុងរុស្ស៊ី
• សហភាពសូវៀត
• សង្គ្រាមលោកលើកទីមួយ

តំណភ្ជាប់ក្រៅ

• The Russian Republic proclaimed. Presidential Library
• Browder, R. P., Kerensky, A. F. The Russian Provisional Government, 1917: Documents. "Stanford University Press". Stanford, 1961. ISBN 9780804700238