ភូមិគ្រញូង
ភូមិគ្រញូង
កែប្រែស្ថិតនៅក្នុងឃុំវាលម្លូ ស្រុកពញាក្រែក ខេត្តត្បូងឃ្មុំ ភូមិនេះមាន៤០០ខ្នងផ្ទះ ផ្ទះនីមួយៗសង់ឡើងជាជួរៗផុតពីដីប្រជនក្នុងភូមិនេះ៧០%ជាកសិករនិង៣០%ជាមន្រ្ដីរាជការប្រជាជនទីនេះភាគច្រើនប្រកបរបរជាកសិករនៅក្នុងភូមីមានសាលាមត្តេយ្យនិងសាលាបឋមសិក្សាមួយកន្លែង ភូមិនេះគ្មានមណ្ឌលសុខភាពទេប៉ុន្តែមានឪសថស្ថានច្រើនកន្លែងនៅក្នុងភូមិនៅតាមផ្ទះនីមួយៗមានដំណាំហូបផ្លែច្រើនប្រភេទការស់នៅក្នុងភូមិមានភាពចុះសម្រុងគ្នាបានល្អចេះចែករំលែកនិងជូយយកអាសាគ្នាទៅវិញទៅមកប្រជាជននៅក្នុងភូមិភាគច្រើនកាន់សាសនាព្រះពុទ្ធ។
ទីតាំងភូមិសាស្រ្ត
កែប្រែមានទីតាំងតាមបណ្ដោយផ្លូវជាតិលេខ៧A តាមក្លោងទ្វាវត្តគិរីជ័យារាម។
ព្រំប្រទល់
កែប្រែគឺជាភូមិនៃកម្ពុជា។ មានព្រំប្រទល់នៅខាងលិចជាប់ភូមិតាហៀវលើខាងកើត ភូមិហូចនៅខាងជើង ភូមិវាលម្លូនៅខាងត្បូង
ភូមិពោធិ៍ស្រុកនិងភូមិឡរ ។
ប្រវត្តិសាស្រ្ត
កែប្រែកាលពីដើមឡើយភូមិគ្រញូងជាភូមិមួយមានដើមគ្រញូងជាច្រើនដុះនៅខាងដើមភូមិក្បែរវត្តមួយ ដើមគ្រញូងទាំងនោះជាកន្លែងស័កសិទ្ធនាក់ភូមិនាំគ្នាទៅបន់ស្រន់នៅទីនោះដើម្បីសុំសេចក្ដីសុខថែមទៀតតែក្រោយមកវត្តក៏ត្រូវបានប្ដូរទៅកន្លែងថ្មីទៀតហើយដើមគ្រញូងទាំងនោះត្រូវបានគេលួចកាប់អស់រហូតមកដលើបច្ចុប្បន្ននៅសល់តែគល់ពុកតែប៉ុណ្ណោះនិងមានអាស្រមលោកតាដំបងគ្រញូងមួយនៅក្បែរនោះផងដែរ។
សេដ្ឋកិច្ច
កែប្រែសេដ្ធកិច្ចនៅភូមិគ្រញូងប្រជាជនប្រកបររបរជាកសិករ ។ ប៉ុន្តែបច្ចុប្បន្ននេះមានការរីចម្រើនច្រើន គឺ មានអគ្គីសនី និង ទឹកស្អាត ប្រើគ្រប់គ្រាន់។ ប្រជាជនមានជីវភាពគ្រប់គ្រាន់ព្រោះពួកគាត់ភាគច្រើនបានរៀនសូត្រគ្រប់គ្រាន់។ហើយពួកគាត់ប្រកបរបរជាកសិករកម្មករ ធ្វើការអោយគេ ដូចជា កម្មករច្រូត កាត់ សំណង់ ចម្ការកៅស៊ូ និង កម្មករ រោងចក្រ ដើម្បើចិញ្ចិមជីវិត ក៏ដូចជាកូនៗរបស់ពួកគេផងដែរ។
វប្បធម៍
កែប្រែប្រជាជននៅទីនេះមានចំរុះជាតិសាសន៏ ហើយកាន់សាសនាក៏ផ្សេងៗគ្នាដែរ តែភាគច្រើនគឺកាន់សាសនាព្រះពុទ្ធ តែពួកគាត់ចេះជួយគ្នាទៅវិញទៅមកពេលមានអាសន្នម្ដងៗ រឺបុណ្យទាន ពិធីរៀបអាពាពិពាហ៏ជាដើម ។
អាកាសធាតុ
កែប្រែនៅទីនោះអាកាសធាតុគឺអំណោយផលវល្អមិនក្តៅខ្លាំងហើយមានភ្លៀងគ្រប់គ្រាន់សម្រាប់ធ្វើស្រែចំការពុំមាន ផលប៉ះពាល់ដល់ស្រែចំការនិងដំណាំឡើយ។
ការអប់រំ
កែប្រែសាលាបឋមសិក្សា
កែប្រែការអប់រំ ក្នុងភូមិគ្រញូងមានសភាពមមាញឹកដូចភូមិមួយចំនួនដែល ហើយចំនួនគ្រឹះស្ថានអប់រំក៏មានច្រើនដែរជាពិសេសការអប់រំតាមសាលាក៏ដូចជាការចុះអប់រំតាមភូមិជាដើម។នៅក្នុងភូមិគ្រញូងក៏មានសាលាមត្តេយ្យ សាលាបឋមសិក្សា ផងដែរ។ប្រជាជននៅទីនេះបានទទួលការអប់រំទូលំទូលាយដោយសារជីវភាពគ្រប់គ្រាន់ និងពេលវេលាសម្រាប់សិក្សា បានច្រើន។