ភ្លេងច័ន្ទ

ភ្លេងច័ន្ទ (អង់គ្លេស៖ Pleng Chan) ជាហាងកាហ្វេមួយនៅប្រទេសកម្ពុជា ដែលមានទីតាំងនៅរាជធានីភ្នំពេញ។ ភ្លេងច័ន្ទ ជាសហគមន៍មួយដែលបានរចនាឡើងជាទីប្រជុំប្រមូលផ្ដុំដោយសៀវភៅចម្រុះជាតិសាសន៍រាប់ពាន់ក្បាល និងមានឧបករណ៍តន្ត្រីបុរាណសម័យចម្រុះគ្នា។

ក្រុមហ៊ុន ភ្លេងច័ន្ទ ឯ.ក

ភ្លេងច័ន្ទ (សាខាបឹងកេងកង)
ឈ្មោះពាណិជ្ជកម្ម	Pleng Chan
ឈ្មោះដើម	ភ្លេងច័ន្ទcode: khm promoted to code: km
ឧស្សាហកម្ម	ហាងកាហ្វេ ភោជនីយដ្ឋាន
ទីស្នាក់ការ​ក​ណ្តា​ល	រាជធានីភ្នំពេញ , ព្រះរាជាណាចក្រកម្ពុជា
បុគ្គលសំខាន់	សុខ បារ៉ាប៊ី (General Manager)
ម៉ាក	Pleng Chan Coffee and Eatery
គេហទំព័រ	plengchan.com.kh

ក្រុមហ៊ុន

ក្រុមហ៊ុន ភ្លេងច័ន្ទ ឯ.ក (អង់គ្លេស៖ Pleng Chan Co., Ltd.) ជាក្រុមហ៊ុននៃហាងកាហ្វេ ភ្លេងច័ន្ទ។ ក្រុមហ៊ុន បានបង្កើតហាងកាហ្វេជាច្រើនសាខានៅក្នុងរាជធានី។ ភ្លេងច័ន្ទ ត្រូវ​បាន​គេ​ដាក់​ឈ្មោះ​ថាជា​ហាង​កាហ្វេ​ដែលមានការរចនាល្អ​បំផុត​មួយ​ក្នុង​ទីក្រុង​ភ្នំពេញនៃប្រទេស​កម្ពុជា។ ហាងកាហ្វេ ភ្លេងច័ន្ទ ​ត្រូវ​បាន​ចុះ​ក្នុង​បញ្ជី​មគ្គុទ្ទេសក៍​ជា​កន្លែង​ទេសចរណ៍​ក្នុង​រាជធានី​ភ្នំពេញ។

ក្រុមការងារ និងគណៈគ្រប់គ្រង

សុខ បារ៉ាប៊ី (អង់គ្លេស៖ Sok Baraby) ជាអ្នកគ្រប់គ្រងទូទៅនៅ ក្រុមហ៊ុន ភ្លេងច័ន្ទ ឯ.ក។ គាត់បានចាប់ផ្ដើមធ្វើការនៅក្នុងក្រុមហ៊ុននេះ តាំងពីឆ្នាំ២០១៨ មកម្ល៉េះ។ លោក សុខ បារ៉ាប៊ី បានក្លាយជាអ្នកគ្រប់គ្រងទូទៅ នៅឆ្នាំ២០២៣។

ហាងកាហ្វេ

ហាងកាហ្វេ ភ្លេងច័ន្ទ (អង់គ្លេស៖ Pleng Chan Coffee and Eatery) ជាហាងកាហ្វេមួយដែលបង្កើតឡើងដោយកូនខ្មែរនៅប្រទេសកម្ពុជា។ ភ្លេងច័ន្ទ ជាហាងកាហ្វេមួយដ៏ល្អបំផុតក្នុងចំណោមហាងកាហ្វេជាច្រើននៅរាជធានីភ្នំពេញ។ នៅឆ្នាំ២០២០ ភ្លេងច័ន្ទ បានបង្កើតហាងកាហ្វេសាខាដើមដំបូងរបស់ខ្លួនគឺ ភ្លេងច័ន្ទ (សាខាបឹងកេងកង) ដែលមានទីតាំងនៅលើផ្លូវលេខ៦៣ ឬផ្លូវត្រសក់ផ្អែម សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។ រហូតមកដល់ឆ្នាំ២០២២ ហាងកាហ្វេភ្លេងច័ន្ទ បានពង្រីកសាខាបន្ថែមទៀតដូចជា ភ្លេងច័ន្ទ (សាខាទួលទំពូង) និង ភ្លេងច័ន្ទ (សាខាអគារ Kampus)។

ហាងកាហ្វេខ្មែរសហសម័យ

កាលពីខែវិច្ឆិកា ឆ្នាំ២០២៣ ភ្លេងច័ន្ទ ត្រូវបានអោយនាមថា "ហាងកាហ្វេកម្ពុជាសហសម័យ" ដោយ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។

សិល្បៈ និងម្ហូបខ្មែរ

ភ្លេងច័ន្ទ ត្រូវ​បាន​គេ​ស្គាល់​ថា​ជា​ហាង​កាហ្វេ​ខ្មែរមុន​ដំបូង​គេ​ដែល​ប្រើ​សិល្បៈ​របស់ខ្មែរ​ ដូច​ជា​ជើងពានខ្មែរ ដែលធ្វើឡើងពីដីឥដ្ឋ ​ដើម្បី​ប្រើជាកែវកាហ្វេសម្រាប់​អតិថិជន ​តាំងពីឆ្នាំ​២០១៧ មកម្ល៉េះ។ ភ្លេងច័ន្ទ ក៏ត្រូវបានគេស្គាល់ផងដែរលើការរចនាមុខម្ហូបច្នៃប្រឌិតដោយរក្សានូវរសជាតិបែបខ្មែរ។ នៅខែតុលា ឆ្នាំ2023 ទូរទស្សន៍កងយោធពលខេមរភូមិន្ទកម្ពុជា បានអញ្ជើញ ហាងកាហ្វេ ភ្លេងច័ន្ទ មកក្នុងកម្មវិធី "តោះឆ្ងាញ់ជាមួយLyyon (អង់គ្លេស: Yummy with Lyyon" ដើម្បីបង្ហាញមុខម្ហូបច្នៃប្រឌិតបែបខ្មែរ និងកាហ្វេប្រចាំហាង។

សហគមន៍

សហគមន៍ ភ្លេងច័ន្ទ (អង់គ្លេស៖ Pleng Chan Community) ជាសហគមន៍មួយដែលបានបង្កើតឡើងដើម្បីចូលរួមធ្វើការងារស្ម័គ្រចិត្តតាមរយៈសកម្មភាពផ្សេងៗ ដើម្បីគាំទ្រទៅកាន់សហគមន៍នានានៅកម្ពុជា។ ភ្លេងច័ន្ទ ជាហាងកាហ្វេមួយដែលបានរួមចំណែកជួយសង្គមតាមរយៈការបង្កើតកម្មវិធីសប្បុរសធម៌ និងកិច្ចការសង្គមជាច្រើន។

យុវជនខ្មែរ និងវប្បធម៌

ចាប់តាំងពីឆ្នាំ២០២០មក ភ្លេងច័ន្ទ បានចាប់ផ្តើមកម្មវិធីសហគមន៍ដំបូងរបស់ខ្លួន តាមរយៈកម្មវិធី ថ្នាក់សិក្សាដោយភ្លេងច័ន្ទ (រួមមាន៖ ថ្នាក់សិក្សាអំណាន ថ្នាក់សិក្សាតន្ត្រី ថ្នាក់សិក្សាថតរូប និងថ្នាក់សិក្សាគំនូរ) និងបានផ្តល់ថ្នាក់សិក្សាទាំងអស់ដោយឥតគិតថ្លៃដល់យុវជនកម្ពុជា។ ហាងកាហ្វេ ភ្លេងច័ន្ទ បានរៀបចំសិក្ខាសាលាជាច្រើន ដោយធ្វើការចុះឈ្មោះចូលរួមកម្មវិធីដោយឥតគិតថ្លៃ។ ជាងនេះទៅទៀត ហាងកាហ្វេ បានចូលរួម និងផ្សព្វផ្សាយវប្បធម៌ខ្មែរជាមួយយុវជនផងដែរ។ នៅថ្ងៃទី៤ ខែសីហា ឆ្នាំ២០២២ ភ្លេងច័ន្ទ ត្រូវបានស្ថានទូតអាមេរិកប្រចាំនៅកម្ពុជា និងលោក Antony Blinken មកទស្សនកិច្ច ដើម្បីចូលរួមជាមួយអតីតនិស្សិតនៃ Young Southeast Asia Leaders Initiative ក្នុងដំណើរទស្សនកិច្ចអន្តរជាតិរបស់លោកមកកាន់ប្រទេសកម្ពុជា។

តន្ត្រីខ្មែរ និងការសហការ

ឈ្មោះហាងកាហ្វេ ភ្លេងច័ន្ទ ត្រូវបានបំផុសគំនិតឡើងពីបទចម្រៀងខ្មែរដែលមានចំណងជើងថា "លួចស្នេហ៍ដួងច័ន្ទ" ដែលត្រូវបានបកស្រាយជាន័យប្រៀបធៀបបែបថា ការលួចប៉ងប្រាថ្នាជូនពរឱ្យសុបិន្តរបស់មនុស្សគ្រប់គ្នាក្លាយជាការពិត។ ចាប់ពីខែសីហា ដល់ខែវិច្ឆិកា ឆ្នាំ២០១៩ ក្រុមហ៊ុន Sabay បានសហការជាមួយ ភ្លេងច័ន្ទ រៀបចំការប្រគុំតន្ត្រី "Pleng Sessions" ដែលមានសិល្បករដូចជា SmallWorld SmallBand (SWSB), Adda, Van Chesda, នាង គន្ធា។

សហគមន៍ខ្មែរ និងកម្មវិធី

នៅដើមខែសីហា ឆ្នាំ២០២៣ ភ្លេងច័ន្ទ បានរៀបចំកម្មវិធីមួយដែលមានឈ្មោះថា "ជួយគ្នា!" ដើម្បីជួយទៅដល់សហគមន៍ និងអង្គការនានាដែលត្រូវការជំនួយ។ ភ្លេងច័ន្ទ បាន​រៃអង្គាស​ប្រាក់​បាន​ខ្លះ​តាម​រយៈ​កម្មវិធី​សប្បុរសធម៌​ដើម្បី​ជួយ​ដល់ Paw Family Cambodia ដែលជា​អង្គការ​មិន​រក​ប្រាក់​កម្រៃ​ដែល​ជួយ​សង្គ្រោះ​ជន​អនាថា ការ​ជួញ​ដូរ​សាច់ និង​សត្វ​ដែល​គេ​បោះ​បង់​ចោល។ នៅថ្ងៃទី១៧ ខែវិច្ឆិកា ឆ្នាំ២០២៣ ភ្លេងច័ន្ទ បានរៀបចំកម្មវិធីបរិច្ចាគសៀវភៅមួយឈ្មោះថា "ចែកគ្នាអាន!" ដើម្បីជួយទៅដល់ក្មេងៗដែលកំពុងមានជីវភាពខ្វះខាតក្នុងការទិញសៀវភៅអាន ជួយលើកទឹកចិត្តដល់កុមារ និងជួយលើកកម្ពស់អក្សរសាស្ត្រខ្មែរផងដែរ តាមរយៈការសហការជាមួយយុទ្ធនាការ សៀវភៅមួយ សហគមន៍មួយ (អង់គ្លេស៖ One Book One Community)។

តំណ​ភ្ជាប់​ខាងក្រៅ

• គេហទំព័រ​ផ្លូវការ
• ទំព័រហ្វេសប៊ុក
• ឆានែលតេឡេក្រាម