រមណីយដ្ឋានភ្នំសន្ទូច
thumb បើសិនបើសិនអ្នករស់នៅក្នុងរាជធានីភ្នំពេញ ចង់ផ្ញើរូបភាពដំណើរកម្សាន្តជាលក្ខណៈក្រុមគ្រួសារ និងមិត្តភក្តិ សម្រាប់អនុស្សាវរីយ៍គួរឲ្យចងចាំទុកនេះ លោកអ្នកដាច់ខាតមិនត្រូវមើលរំលងតំបន់ទេសចរណ៍នៅក្នុងខេត្តកំពង់ឆ្នាំងជាដាច់ខាត ព្រោះខេត្តកំពង់ឆ្នាំង មានសក្តានុពលទេសចរណ៍ធំធេង និងប្លែកៗច្រើនហួសពីការស្មាន បើរាប់តាំងពីតំបន់ប្រវត្តិសាស្ត្រពិត តំបន់ធម្មជាតិ ប្រាង្គប្រាសាទបុរាណ ទឹកធ្លាក់...គឺមិនតិចតួចឡើយ។ រមណីយដ្ឋានភ្នំសន្ទូច ក្នុងខេត្តកំពង់ឆ្នាំង គឺជាតំបន់ទេសចរណ៍ដ៏ពេញនិយមមួយសម្រាប់អ្នកកំពង់ឆ្នាំង។ ភ្នំសន្ទូចត្រូវបានគេសម្គាល់ដោយភាពស្រស់ស្អាត បែបធម្មជាតិពិតៗ និងភាពមានតែមួយគត់របស់វា។ទីតាំងភ្នំសន្ទូច គឺជាកន្លែងដែលងាយស្រួល ទៅដល់ពីគ្រប់កន្លែងនៃប្រទេសកម្ពុជា ស្ថិតនៅក្នុងភូមិសន្ទូច ឃុំស្រែថ្មី ស្រុករលាប្អៀ ខេត្តកំពង់ឆ្នាំង។ចម្ងាយប្រមាណ៣គីឡូម៉ែត្រ ពីទីរួមខេត្ត ឬប្រហែល៩៤គម ពីរាជធានីភ្នំពេញ។ ភ្នំសន្ទូច គឺជារមណីយដ្ឋានធម្មជាតិ និងវប្បធម៌ដ៏ស្រស់ស្អាតមួយ ដែលផ្តល់ឲ្យភ្ញៀវទេសចរ និងអ្នកស្រុកសម្រាកលម្ហែកាយពីភាពស្មុគស្មាញប្រចាំថ្ងៃបានយ៉ាងមានប្រសិទ្ធភាព។អ្នកស្រុកនៅទីនោះ ជាធម្មតាទៅលេងភ្នំសន្ទូច ដោយសារភាពស្ងប់ស្ងាត់ និងទីតាំងដ៏អំណោយផល។ មានថ្មធំៗជាច្រើន ដែលទាក់ទងនឹងរឿងព្រេងនៅទីនេះ។ កន្លែងនេះមានទេសភាពស្រស់ស្អាត នាំឲ្យ មានការថតខ្សែភាពយន្ត និងចម្រៀងកាយវិការជាច្រើន នៅលើភ្នំសន្ទូចនេះ។ អ្នកនឹងបានឃើញទេសភាពដ៏ស្រស់ស្អាតនៃខេត្តកំពង់ឆ្នាំងពីលើកំពូលភ្នំសន្ទូចនេះតែម្តង។