រមណីយដ្ឋានភ្នំសសៀរ
ភ្នំសសៀរជារមណីយដ្ឋានមួយស្ថិតនៅខេត្តកែប ប្រមូលផ្តុំដោយភ្នំតូចៗចំនួន៣មានទំហំផ្ទៃដីប្រមាណជាង១គីឡូម៉ែត្រការ៉េ និងមានកម្ពស់ជាង៤០ម៉ែត្រ។ លក្ខណៈដ៏អស្ចារ្យរបស់ភ្នំសសៀរគឺមានល្អាងរូងពីធម្មជាតិស្ទើរតែគ្មានកន្លែងណាដូច មានដូចជារូងភ្នំដំរីស រូងភ្នំអាចម៍ប្រចៀវជាពិសេសនៅរូងភ្នំដំរីសមានបន្សល់ទុកនៅស្នាដៃស្ថាបត្យកម្មដ៏កំពូលមួយគឺវាលស្រែ ១០០ដែលបានលាក់ខ្លួនបំពួនអាត្មាក្នុងរូងយ៉ាងងងឹតនោះ។ ដោយឡែកនៅលើកំពូលភ្នំសសៀរវិញមានចេតិយមួយដែលកសាងឡើងនៅឆ្នាំ១៩៦៤ដោយព្រះមហាក្សត្រិយ៍រស្មីសោភ័ណ្ឌ មានរំលេច និងលម្អទៅដោយ ក្បូរក្បាច់រចនាយ៉ាងល្អវិចិត្រ និងមានពណ៌ប្រណីតដ៏អស្ចារ្យគឺជាគោតមមុនីចេតិយដែលជាទីសក្ការៈគោរពបូជាជំនឿលើវត្ថុស័ក្តិសិទ្ធិទាំង៣របស់ព្រះពុទ្ធដែលគេបានយកទៅ តម្កល់ទុកនៅក្នុងនោះគឺព្រះសរីរធាតុរបស់ព្រះពុទ្ធ។ពីជើងភ្នំឡើងទៅដល់កំពូលភ្នំនោះមានសំណង់វត្តអារាមព្រះពុទ្ធសាសនាមានផ្លូវខ្វែងខ្វាត់មានព្រះសង្ឃគង់នៅ និងមានរោងតូចៗជាច្រើនទៀតសង់ឡើងនៅតាមជើងភ្នំសម្រាប់តាជីយាយជីមកសំណាក់ធម៌ទៀតផង។