សិលាចារឹកវត្តស្រះក្រាំងបន្ទាយ

សិលាចារឹកវត្តស្រះក្រាំងបន្ទាយមានលេខ K.១៤១២។ វត្តស្រះក្រាំងបន្ទាយមានទីតាំងស្ថិតនៅក្នុងភូមិពេជ្រឥន្ទ្រា ឃុំបឹងត្រាញ់ខាងជើង ស្រុកសំរោង ខេត្តតាកែវ។ តាមរយៈការសិក្សាពិនិត្យនៅក្នុងវត្ត និងទីតាំងសិលាចារឹក មានស្នាកស្នាមប្រាសាទបុរាណសម័យមុនអង្គរ ដែលសេសសល់បំណែកឥដ្ឋមួយចំនួនច្រើន ដែលបានកាយនៅកន្លែងជីកស្រះមានឃើញថ្មស្រទាប់ពីរសន្លឹកផងដែរ។ ថ្មស្រទាប់ទាំងពីរត្រូវបានព្រះចៅអធិការវត្តយកទុកក្បែរពាងទឹកមុខកុដិព្រះចៅអធិការប្រើប្រាស់សម្រាប់ស្រង់ទឹក និងប្រការផ្សេងៗទៀត។ មួយសន្លឹកជាស៊ុមទ្វារភ្នែកខាងលើឬក្រោម