អាន់ ហ្វ្រែង
អានេលី «អាន់» ម៉ារី ហ្វ្រែង (១២ មិថុនា ១៩២៩ – ដើមខែមិនា ១៩៤៥) គឺជាមនុស្សម្នាក់ក្នុងចំណោមជនរងគ្រោះ ជ្វីប ជាច្រើននៅក្នុងសម័យប្រល័យពូជសាសន៍ ហូឡូខូស។ កំណត់ហេតុសម័យសង្គ្រាមរបស់នាង សៀវភៅកំណត់ហេតុរបស់ក្មេងស្រី បានក្លាយជាមូលដ្ឋានគ្រឹះនៅក្នុងរឿងល្ខោន និងភាពយន្តជាច្រើន។ នាងបានចាប់កំណើតនៅទីក្រុង ហ្វ្រែងឃឺត ក្នុង សាធារណរដ្ឋវៃម៉ា (អាល្លឺម៉ង់) ហើយធំធាត់ និងរស់នៅក្បែរ អាំស្ទែរដាំ ប្រទេសហូឡង់។ ហ្វ្រែង មានកំណើតជាជនជាតិអាល្លឺម៉ង់ ហើយបានបាត់បង់សញ្ជាតិនៅឆ្នាំ ១៩៤១។ នាងមានឈ្មោះល្បីល្បាញទូទាំងសាកលលោកនៅក្រោយមរណភាព បន្ទាប់ពីសៀវភៅកំណត់ហេតុរបស់នាងត្រូវបានបោះពុម្ព។ សៀវភៅកំណត់ហេតុដែលបានកត់ត្រាអំពីបទពិសោធន៍នៃការលាក់ខ្លួនក្នុងកំឡុងនៃការកាន់កាប់របស់អាល្លឺម៉ង់ក្នុងប្រទេសហូឡង់ ក្នុងសង្គ្រាមលោកលើកទី២។
| អាន់ ហ្វ្រែង | |
|---|---|
| កើត | អានេលី[១] ឬ អានេលីយេ[២] ម៉ារី ហ្វ្រែង ១២ មិថុនា ១៩២៩ Frankfurt, Weimar Republic (Weimar Germany) |
| ស្លាប់ | Early (អាយុ 15) Bergen-Belsen concentration camp, Lower Saxony, Nazi Germany |
| សញ្ជាតិ |
|
| ស្នាដៃចំបងៗ | The Diary of a Young Girl (1947) |
Influences
| |
Influenced
| |
| ហត្ថលេខា |  |
គ្រួសារ ហ្វ្រែង បានផ្លាស់លំនៅពីអាល្លឺម៉ង់ទៅកាន់អាំស្ទែរដាំនៅឆ្នាំ ១៩៣៣ នៅពេលដែលពួកណាហ្ស៊ីទទួលការគ្រប់គ្រងប្រទេសអាល្លឺម៉ង់។ នៅដើមឆ្នាំ ១៩៤០ ពួកគេជាប់នៅក្នុងអាំស្ទែរដាំ ដោយសារការត្រួតត្រារបស់អាល្លឺម៉ង់លើហូឡង់។ ដោយសារការធ្វើទុក្ខបុកម្នេញទៅលើប្រជាជនជ្វីសកាន់តែច្រើនឡើងនៅខែកក្កដា ១៩៤២ គ្រួសារនេះបានទៅលាក់ខ្លួននៅក្នុងបន្ទប់លាក់ខ្លួនក្នុងអាគារដែលជាកន្លែងឪពុករបស់ ហ្វ្រែង ធ្វើការ។ ពីរឆ្នាំក្រោយមក ពួកគេត្រូវបានក្បត់ ហើយបញ្ជូនទៅកាន់បន្ទាយឃុំឃាំងរបស់ពួកណាហ្ស៊ី។ អាន់ ហ្វ្រែង និងប្អូនស្រីរបស់នាងឈ្មោះ ម៉ាហ្គុត ហ្វ្រែង ត្រូវបានផ្លាស់ប្ដូរទៅបន្ទាយឃុំឃាំងបឺហ្គិនបែលសិន ជាទីដែលពួកគេទទួលមរណភាពដោយសារជំងឺ គ្រុនរោល នាខែមិនា ១៩៤៥។
អត់តូ ហ្វ្រែង គឺជាសមាជិកគ្រួសារតែម្នាក់គត់ដែលនៅរស់រានមានជីវិតបន្ទាប់ពីសង្គ្រាម។ គាត់បានត្រឡប់ទៅអាំស្ទែរដាំ ហើយបានរកឃើញសៀវភៅកំណត់ហេតុរបស់ អាន់។ គាត់បានខិតខំប្រឹងប្រែងនាំឲ្យមានការបោះពុម្ពឡើងនៅឆ្នាំ ១៩៤៧។ ចាប់ពីពេលនោះ វាក៏ត្រូវបានបកប្រែជាភាសាផ្សេងៗ ជាច្រើន។ វាត្រូវបានបកប្រែពីច្បាប់ដើមជាភាសាហូឡង់ ហើយការបោះពុម្ពផ្សាយជាភាសាអង់គ្លេសដំបូងបង្អស់នៅឆ្នាំ ១៩៥២ មានចំណងជើងថា The Diary of a Young Girl។ សៀវភៅកំណត់ហេតុទទេរត្រូវបានប្រគល់ជូន អាន់ នៅថ្ងៃខួបកំណើតអាយុ ១៣ ឆ្នាំរបស់នាង ហើយវាត្រូវបានកត់ត្រាព្រឹត្តិការណ៍ជីវិតរបស់នាងតាមលំដាប់លំដោយពីថ្ងៃទី ១២ មិថុនា ១៩៤២ ដល់ ១ សីហា ១៩៤៤។
វ័យកុមារ
កែប្រែហ្វ្រែង កើតនៅថ្ងៃទី ១២ មិថុនា ១៩២៩ នាទីក្រុងហ្វ្រែងឃឺត ប្រទេសអាល្លឺម៉ង់ ជាកូនស្រីទីពីររបស់លោក អត់តូ ហ្វ្រែង និងអ្នកស្រី អេឌីស ហ្វ្រែង ហូឡង់ដឺ។ នាងមានបងស្រីឈ្មោះ ម៉ាហ្គុត ហ្វ្រែង។ [៤] គ្រួសារ ហ្វ្រែង គឺជាអ្នកកាន់សាសនាជ្វីសសេរី ដែលមិនប្រតិបត្តិទាំងស្រុងតាមប្រពៃណីទំនៀមទម្លាប់សាសនាជ្វីសឡើយ[៥] ហើយពួករស់នៅលាយឡំជាមួយនឹងសហគមន៍ជនជាតិជ្វីស និងអ្នកមិនមែនជនជាតិជ្វីស ដែលមានសាសនាផ្សេងៗពីគ្នា។ អ្នកស្រី អេឌីស ហ្វ្រែង គឺជាម្ដាយដែលស្មោះត្រង់នឹងសាសនា ឯលោក អូតតូ ហ្វ្រែង ចាប់អារម្មណ៍ខាងការសិក្សា ហើយលោកក៏មានបណ្ណាល័យដ៏ធំមួយផងដែរ។ អ្នកទាំងពីរតែងតែលើកទឹកចិត្តកូនៗ ឲ្យអានសៀវភៅ។[៦]
នៅថ្ងៃទី ១៣ មីនា ១៩៣៣ ការបោះឆ្នោតត្រូវបានរៀបចំឡើងនៅហ្វ្រែងឃឺត ដើម្បីជ្រើសរើសក្រុមប្រឹក្សាក្រុង ហើយបក្សណាហ្ស៊ីរបស់អ៊ីត្លែរបានឈ្នះ។ បាតុកម្មប្រឆាំងពួកជ្វីសបានកើតឡើងភ្លាមៗ បន្ទាប់ពីនោះ ដែលជាហេតុធ្វើឲ្យ ហ្វ្រែង ចាប់ផ្ដើមភ័យព្រួយអាចមានអ្វីកើតឡើងចំពោះពួកគេ ប្រសិនពួកបន្តនៅអាល្លឺម៉ង់។ ក្រោយមកក្នុងឆ្នាំដដែលនោះ អេឌីស និងកូនៗ បានចាកចេញទៅអាហ្សិន ជាទីដែលពួកគេស្នាក់នៅជាមួយម្ដាយរបស់ អេឌីស គឺអ្នកស្រី រ៉ូសា ហូឡង់ដឺ។ អូតតូ បានបន្តនៅហ្វ្រែងឃឺត ប៉ុន្តែបន្ទាប់ពីទទួលឱកាសបើកក្រុមហ៊ុនមួយនៅអាំស្ទែដាំ គាត់ក៏បានផ្លាស់ទៅទីនោះដើម្បីចាត់ចែងមុខជំនួញ និងរៀបចំទីស្នាក់អាស្រ័យសម្រាប់ក្រុមគ្រួសារ។[៧] គ្រួសារ ហ្វ្រែង គឺជាមនុស្សក្នុងចំណោមជនជ្វីស ៣០០.០០០ នាក់ដែលបានភៀសខ្លួនចេញពីអាល្លឺម៉ង់នៅចន្លោះឆ្នាំ ១៩៣៣ និង ១៩៣៩។[៨]
ឯកសារយោង
កែប្រែ- ↑ Anne Frank Fonds.
- ↑ Barnouw & Van Der Stroom 2003, pp. 3, 17.
- ↑ Müller 1999, pp. 143, 180–181, 186.
- ↑ Müller 1999, preface: Family tree.
- ↑ van der Rol & Verhoeven 1995, p. 10.
- ↑ Lee 2000, p. 17.
- ↑ Lee 2000, pp. 20–23.
- ↑ van der Rol & Verhoeven 1995, p. 21.