អ្នកប្រើប្រាស់:តាំង ប៊ុនហុង/ប្រអប់ខ្សាច់/Article 4
មហោស្រពអមតៈ (ឈ្មោះជាភាសាអង់គ្លេស៖ Amatak Festival) ជាព្រឹត្តិការណ៍សិល្បៈមួយដែលអង្គការសិល្បៈខ្មែរអមតៈរៀបចំធ្វើពីរឆ្នាំម្ដង ដើម្បីបង្ហាញការសម្ដែងទម្រង់សិល្បៈខ្មែរផ្សេងៗឱ្យមហាជនបានទស្សនានិងស្គាល់។មហោស្រពនេះបានប្រារព្ធឡើងចំនួន៧លើករួចមកហើយ។ លោកទី១ និង ទី២ នៅខេត្តសៀមរាប។ លើកទី៣ និង ទី៤ នៅខេត្តបាត់ដំបង។ ហើយលើកទី៥ ទី៦ និង ទី៧(ឆ្នាំ២០១៤) នៅរាជធានីភ្នំពេញ។
មហោស្រពអមតៈលើកទី៧ (ឆ្នាំ២០១៤) កែប្រែ
មហោស្រពអមតៈលើកទី៧ ធ្វើឡើងរយៈពេលបីថ្ងៃ គឺចាប់ពីថ្ងៃទី១៥ ដល់ ថ្ងៃទី១៧ ខែសីហា ឆ្នាំ២០១៤ នៅក្នុងរោងសម្ដែងនៃក្រុមផ្លែផ្កា ក្នុងសារមន្ទីរជាតិភ្នំពេញា និង នៅក្នុងសាកលវិទ្យាល័យភូមិន្ទវិចិត្រសិល្បៈ។ ភ្ញៀវកិត្តិយសដែលចូលរួមក្នុងកម្មវិធីមហោស្រពរួមមាន សម្ដេចព្រះរៀមនរោត្ដមបុប្ផាទេវី លោកជំទាវភឿង សកុណា (ក្នុងតំណែងជារដ្ឋមន្ត្រីក្រសួងវប្បធម៌និងវិចិត្រសិល្បៈ នីតិកាលទី៥នៃរដ្ឋសភា) ព្រឹទ្ធាចារ្យសិល្បៈជាច្រើនរូបដូចជាលោកគ្រូគង់ ណៃ អ្នកគ្រូឃី មុំ លោកគ្រូសំអុល និងលោកអ្នកមុខអ្នកការបរទេសជាជាច្រើនរូបទៀត។