Three Gorges Dam
Three Gorges Dam គឺជា វារីអគ្គិសនី ដែលលាតសន្ធឹងលើ ទន្លេ Yangtze ក្បែរទន្លេ Sandouping ក្នុងស្រុក Yiling ទីក្រុង Yichang ខេត្ត Hubei ភាគកណ្តាលប្រទេសចិន ផ្នែកខាងក្រោមនៃជ្រលងភ្នំទាំងបី ។ វារីអគ្គិសនីនេះគឺជាស្ថានីយ៍ថាមពលធំបំផុតរបស់ពិភពលោក ជាមួយនឹង សមត្ថភាពផ្គត់ផ្គង់ថាមពល (២២ ៥០០ មេហ្គាវ៉ាត់ MW) ទំនប់ Three Gorges បង្កើតអានុភាពបាន ៩៥ ± ២០ តេរ៉ាវ៉ាត់ម៉ោង TWh នៃ អគ្គិសនី ក្នុងមួយឆ្នាំជាមធ្យម អាស្រ័យលើបរិមាណទឹកភ្លៀងនៅក្នុងអាងទន្លេ។ បន្ទាប់ពីមានភ្លៀងធ្លាក់មូសុងឆ្នាំ ២០២០ ទំនប់នេះផលិតបានជិត ១១២ TWh បំបែកឯតទគ្គកម្មពិភពលោកពីមុនគឺ ~១០៣ TWh កំណត់ដោយទំនប់ Itaipu ក្នុងឆ្នាំ ២០១៦។
ទំនប់ទាំងមូលត្រូវបានបញ្ចប់ការសាងសង់នៅឆ្នាំ ២០០៦ ហើយរោងចក្រថាមពលនេះត្រូវបានដំណើរការពេញលេញនៅឆ្នាំ ២០១២ នៅពេលដែល ទួរប៊ីនទឹក ចុងក្រោយនៅក្នុងរោងចក្រក្រោមដីបានចាប់ផ្តើមផលិតថាមពល។ ទួរប៊ីនទឹកសំខាន់ៗនីមួយៗមានសមត្ថភាពផលិត ៧០០ មេហ្គាវ៉ាត់។ ទួរប៊ីនសំខាន់មានចំនួន ៣២របស់ទំនប់ រួមជាមួយទួរប៊ីនតូចៗចំនួន ២ ដែលផ្តល់ថាមពលសម្រាប់ប្រើប្រាស់ក្នុងទំនប់វារីអគ្គិសនី ជាមួយនឹងការលើកស្ទូចនាវា។
បន្ថែមពីលើការផលិតអគ្គិសនី ទំនប់នេះត្រូវបានរចនាឡើងដើម្បីបង្កើនសមត្ថភាពដឹកជញ្ជូនរបស់ទន្លេយ៉ាងសេ (Yangtze)។ តាមរយៈការផ្តល់កន្លែងស្តុកទុកទឹកជំនន់ ទំនប់វារីអគ្គិសនីកាត់បន្ថយសក្តានុពលនៃការជន់លិចនៅផ្នែកខាងក្រោម ដែលធ្លាប់ញាំញី តំបន់ទំនាប Yangtze ជារឿយៗ។ នៅឆ្នាំ ១៩៣១ ទឹកជំនន់ទន្លេបានសម្លាប់មនុស្សរហូតដល់ 4 លាននាក់។ ជាលទ្ធផល ប្រទេសចិនបានចាត់ទុកគម្រោងនេះថាជាជោគជ័យផ្នែកសេដ្ឋកិច្ច និងសង្គមដ៏ធំធេង ជាមួយនឹងការរចនានៃទួរប៊ីន ដ៏ធំទំនើបបំផុត និងការផ្លាស់ប្តូរឆ្ពោះទៅរកការការកាត់បន្ថយ ការបំភាយឧស្ម័នផ្ទះកញ្ចក់ ។ ប៉ុន្តែទំនប់នេះបាននាំឱ្យមានការផ្លាស់ប្តូរអេកូឡូស៊ីមួយចំនួន រួមទាំងការកើនឡើងហានិភ័យនៃការបាក់ដី ដែលធ្វើឱ្យវាមានភាពចម្រូងចម្រាសក្នុងប្រទេស និងក្រៅប្រទេស។
សមាសភាពនិងវិមាត្រ
កែប្រែទំនប់នេះផលិតពីបេតុង និងដែកមានបណ្តោយប្រវែង ២ ៣៣៥ម៉ែត្រ និងកំពស់ផ្នែកខ្ពស់បំផុត១៨៥ម៉ែត្រពីលើនីវ៉ូទឹកសមុទ្រ។ គម្រោងបានប្រើបេតុង ២៧,២ លានម៉ែត្រគូប (សម្រាប់ជញ្ជាំងទំនប់) និងប្រើប្រាស់ដែកចំនួន ៤៦៣,០០០ តោន (គ្រប់គ្រាន់សម្រាប់ការសាងសង់ Eiffel Towers ចំនួន៦៣)។