ពេជ្រ ទុំក្រវិល
ពេជ្រ ទុំក្រវិល ជាអ្នកប្រាជ្ញ]][[អក្សរសាស្ត្រខ្មែរ និងជាសិល្បករម្នាក់ក្នុងចំណោមសិល្បករសម្តែងដ៏ល្បីបំផុតរបស់ប្រទេសកម្ពុជា ដែលជាតួប្រចាំរោងមហោស្រពនៅចុងទសវត្សរ៍ឆ្នាំ១៩៦០ និងបានជួយកែសម្រួលឲ្យមានការសម្តែងឡើងវិញ បន្ទាប់ពីរបបខ្មែរក្រហមដួលរលំ។ [១]
| ពេជ្រ ទុំក្រវិល | ||
|---|---|---|
| colspan= | ||
| ព័ត៌មានមួយចំនួន | ||
| ឈ្មោះ | ពេជ្រ ទុំក្រវិល | |
| នាមដើម | ឈន ទត | |
| នាមអ្នកស្រុកហៅ | ឈន ទត | |
| គរម្យងារ | ||
| បិតានាម | ||
| គរម្យងារបិតា | ||
| មាតានាម | ||
| កំណើត | ២ មិថុនា ១៩៤៣ | |
| ស្រុកកំណើត | ភូមិសសី ឃុំកោះចិន ស្រុកពញាឮ ខេត្តកណ្ដាល | |
| ភរិយា | ||
| កូន | ||
| អនិច្ចកម្ម | ១៥ ឧសភា ២០១៥ | |
ប្រវត្តិរូបសង្ខេប កែប្រែ
លោកព្រឹទ្ធាចារ្យពេជ្រ ទុំក្រវិល មានឈ្មោះដើម ឈន ទត កើតនៅថ្ងៃទី ២ មិថុនា ឆ្នាំ ១៩៤៣ ក្នុងភូមិសសី ឃុំកោះចិន ស្រុកពញាឮ ខេត្តកណ្តាល។ ឪពុករបស់លោកព្រឹទ្ធាចារ្យមានឈ្មោះជួន ឈន និងម្តាយឈ្មោះញុង យ៉ុម ជាកសិករ។
លោកព្រឹទ្ធាចារ្យគឺជាអតីតនិស្សិតសាកលវិទ្យាល័យភូមិន្ទវិចិត្រសិល្បៈ នៅក្នុងឆ្នាំ ១៩៦៣ ដល់ ១៩៦៧ រួចមកលោកព្រឹទ្ធាចារ្យក៏បានក្លាយទៅជាសាស្ត្រាចារ្យបង្រៀនផ្នែកសិល្បៈនៅទីនោះមក។
លោក ពេជ្រ ទុំក្រវិល មានឈ្មោះបោះសំឡេងក្នុងទសវត្សរ៍ឆ្នាំ១៩៦០ ដោយសារការបកស្រាយតួនាទីរបស់តួ ទុំ ក្នុង “រឿងទុំទាវ” ។
នៅរស់ពីរបបខ្មែរក្រហម លោក ទុំក្រវិល បានជួយធ្វើឲ្យសិល្បៈសម្តែងរស់ឡើងវិញ ដោយរៀបចំក្រុមសម្តែង និងរៀបចំការសម្តែងតាមរយៈក្រសួងវប្បធម៌នៅទសវត្សរ៍ឆ្នាំ១៩៨០។ លោកក៏បាននិពន្ធនិងផលិតរឿង “ការអភិវឌ្ឍជាតិកម្ពុជា” នៅឆ្នាំ១៩៨៣។[១]
ពីឆ្នាំ ២០០៣ ដល់ឆ្នាំ ២០០៨ លោកក៏បានឡើងតួនាទីក្លាយជាប្រធានក្រុមប្រឹក្សាភិបាលសាកលវិទ្យាល័យភូមិន្ទវិចិត្រសិល្បៈ និងជាទីប្រឹក្សារដ្ឋាភិបាល មានឋានៈស្មើនិងរដ្ឋមន្ត្រី។ ហើយនៅក្នុងឆ្នាំ២០០៩ លោកព្រឹទ្ធាចារ្យក៏បានក្លាយជាទីប្រឹក្សាក្រសួងវប្បធម៌ និងវិចិត្រសិល្បៈ។
លោកព្រឹទ្ធាចារ្យ ពេជ្រ ទុំក្រវិល បានទទួលមរណភាពដោយសារជំងឺបេះដូងជាច្រើនឆ្នាំនៅ ថ្ងៃសុក្រ ១៥ឧសភា២០១៥ វេលាម៉ោង ១១ និង ៣១នាទីព្រឹក ក្នុងជន្មាយុ ៧២ឆ្នាំ ដោយរោគបេះដូង។ ពិធីបុណ្យសពរបស់លោកព្រឹទ្ធាចារ្យត្រូវបានធ្វើឡើងក្នុងគេហដ្ឋានរបស់លោក ស្ថិតក្នុងភូមិបឹងសាឡាង សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។[២]
ស្នាដៃ កែប្រែ
លោក ទុំក្រវិល បាននិពន្ធសៀវភៅ២១ក្បាលស្តីពីទម្រង់សិល្បៈប្រពៃណីរបស់ប្រទេសកម្ពុជា។
លោកក៏បានចូលរួមរៀបចំ ឯកសារដើម្បី បញ្ចូលល្ខោនស្បែកធំរបស់ខ្មែរជាបេតិកភណ្ឌរូបិយ៍នៅក្នុងអង្គការយូណេស្កូផងដែរ។[៣]
កិត្តិស័ព្ទ កែប្រែ
លុះមកដល់ឆ្នាំ ១៩៩៩ លោកព្រឹទ្ធាចារ្យបានទទួលជ័យលាភីលេខ១ នៅកម្ពុជា ខាងផ្នែកតែងនិពន្ធប្រចាំតំបន់អាស៊ីអាគ្នេយ៍។ នៅឆ្នាំ២០០១ លោកក៏បានទទួលបរិញ្ញាប័ត្រភាសាបារាំង និងវិញ្ញាប័ណ្ឌប័ត្រព្រឹទ្ធាចារ្យវប្បធម៌សិល្បៈ ពីរាជបណ្ឌិតសភាកម្ពុជា។ នៅឆ្នាំ ២០០២ ទទួលបានងារជាវិរៈសិល្បៈករកម្ពុជា។
ឯកសារយោង កែប្រែ
- ↑ ១,០ ១,១ "ព្រឹទ្ធាចារ្យ ពេជ្រ ទុំក្រវិល មានស្នាដៃឆ្នើម". The Cambodia Daily Khmer. 2015-05-19. Retrieved 2021-03-23.
{{cite web}}: zero width space character in|title=at position 34 (help)[តំណភ្ជាប់ខូច] - ↑ "ព្រឹទ្ធាចារ្យពេជ្រ ទុំក្រវិល បានទទួលមរណភាពក្នុងជន្មាយុ៧២ឆ្នាំ ដោយរោគាពាធ". RFI. 2015-05-15. Retrieved 2021-03-23.
{{cite web}}: zero width space character in|title=at position 14 (help) - ↑ "ព្រឹទ្ធាចារ្យពេជ្រ ទុំក្រវិលលាចាកលោកដោយបន្សល់ស្នាដៃនិងក្តីគោរពឥតគណនា". វីអូអេ. Retrieved 2021-03-23.
{{cite web}}: zero width space character in|title=at position 14 (help)
ឯកសារយោង កែប្រែ
- សៀវភៅ អក្សរសិល្ប៍ខ្មែរសតវត្សទី២០
- សៀវភៅ ភាសាខ្មែរ ថ្នាក់ទី៣