ល្បើកក្រើនជាតិ

ល្បើកក្រើនជាតិ តែងជាបទពាក្យ៧តាមលំដាប់អក្សរ ឃុនបណ្ណានុរក្ស ប៊ូ- ប៉ូ នៅពុទ្ធសាសនបណ្ឌិត្យ រៀបរៀង

ក - កបកើតមកជាកូនខ្មែរ

ខ - ខំគិតបែរប្រែគំនិត

គ - គួរសេពគប់លោកបណ្ឌិត

ឃ - ឃើញត្រូវពិតរួចសឹមថា ។

ង - ងើបមើលជាតិខ្មែរដូចគ្នា

ច - ចូរសមគ្គាជួយរដ្ឋា

ឆ - ឆបប្រកបដោយបញ្ញា

ជ - ជួយស្តីថាតឿនកូនចៅ ។

ឈ - កុំឈប់ស្ងៀមមើលបំណាំ

ញ - ញឹកខាងចាំពាក្យប្រដៅ

ដ - ដឹងឲ្យគ្រប់កុំល្ងង់ខ្លៅ

ឋ - កុំដុកដាន់ដោលគ្នាឯង

ឍ - ធើឫកខែងចង់ស្រណុក

ណ - ណាត់ញុះញង់ឲ្យអុកឡុក

ត - តោងសំកុកគិតឲ្យជ្រៅ ។

ថ - ថប់ទៅមុខក្រែងវិនាស

ទ - កុំទីសទាសចោលលំនៅ

ធ - ធៀបដូចទូក ឬ សំពៅ

ន - នៅមិននឹងមួយកន្លែង

ប - បើបានធំកុំស្អប់តូច

ផ - ផាត់កាត់ខូចចេញឲ្យស្ដែង

ព - ពិតជាប្រុសខំប្រឹងប្រែង

ភ - ភ័យខ្លាចក្រែងជាតិខ្ញុំគេ ។

ម - មកពិខិតខំរៀនសូត្រ

យ - យោងឲ្យរបូតប្រឹងរិះរេ

រ - រកឧបាយកលគ្នាន់គ្នេរ

ល - លើកជាតិគេជាតួយ៉ាង ។

វ - កុំវិលវល់ទៅតាមខ្យល់

ស - សូមកុំឆ្ងល់នឹងសំណាង

ហ - ហាមចិត្តខ្លួនកុំឲ្យអាង

ឡ - កុំឡូងឡាងទាស់ទែងគ្នា ។

អ - អងស្នងជាតិចាស់បុរាណ

អា - អាងភូមិឋាននៃវិជ្ជា

ឥ - ឥតប្រយោជន៍កុំនឹកនា

ឦ - ឲ្យភាវនាតែចំរើន ។

ឧ, ឪ - ឧស្សាហ៍តែងក្បួនច្បាប់

ឫ, ឬ - កាន់កាប់ឲ្យច្រើន

ឭ, ឮ - ត្រូវខំធ្វើឲ្យកើន

ឯ, ឰ - ចំរើនប្រទេសជាតិ ។

ឱ - ឲ្យសុខាដល់គ្នីគ្នា

ឨ - ឱបរាំងរាកុំឲ្យឃ្លាត

អុំ, អំ - ចូរខំកុំវិវាទ

អាំ, អះ - ទើបជាតិខ្មែរថ្កើងអើយ ! ។

ដកស្រង់ចេញពី៖ វ៉ិបសាយវិទ្យាស្ថានពុទ្ធសាសនបណ្ឌិត