សមុទ្រឡាប់តែវ
សមុទ្រឡាប់តែវ (ជាភាសាអង់គ្លេស៖ Laptev Sea, ជាភាសារុស្ស៊ី៖ мо́ре Ла́птевых) ជាសមុទ្រស្ទើរបិទមួយនៅមហាសមុទ្រអាកទិក។ វាស្ថិតនៅចន្លោះច្រាំងខាងកើតរបស់ស៊ីបេរី ឧបទ្វីបតៃមីរ កំរងកោះសិវើណាយ៉ា ហ្សឹមលីយ៉ា និងកំរងកោះស៊ីបេរីថ្មី។ ព្រំដែលខាងជើងរបស់វាកាត់ពីជ្រោយអាកទិក (កូអរដោនេ 79°N និង 139°E) ទៅជ្រោយអានីស៊ី។ នៅខាងលិចសមុទ្រឡាប់តែវគឺសមុទ្រការ៉ា ចំនែកនៅខាងកើតគឺសមុទ្រស៊ីបេរីខាងកើត។ សមុទ្រឡាប់តែវមានផ្ទៃទឹក ៦៧២ ០០០គ.ម២ និងអាចធ្វើចរាចរបានតែក្នុងរវាងខែសីហានិងកញ្ញាប៉ុណ្ណោះ។
| សមុទ្រឡាប់តែវ | |
| |
|---|---|
| ផ្ទៃទឹក | ៦៧២ ០០០គ.ម២ |
| ជំរៅ | ៣ ៣៨៥ម (អតិបរមា) ៥០ម (មធ្យម) |
| ប្រភេទ | សមុទ្រស្ទើរបិទ |
| ទីតាំង | មហាសមុទ្រអាកទិក |
| ប្រទេសជាប់ជុំវិញ |  រុស្ស៊ី
|
ឈ្មោះសមុទ្រឡាប់តែវត្រូវបានដាក់ឈ្មោះតាមអ្នករុករកសញ្ជាតិរុស្ស៊ី លោក ឌ្មីទ្រី ឡាប់តែវ (Dmitry Laptev) និងលោក ខារីតុង ឡាប់តែវ (Khariton Laptev)។ គេទាំង២នាក់ជាបងប្អូនជីដូនមួយនឹងគ្នា ដែលបានរុករកនិងព្យាយាមគូរផែនទីសមុទ្រនេះនៅសតវត្សរ៍ទី១៨។