ហែម ហេង
ហែម ហេង ( កើតថ្ងៃទី៨ ខែវិច្ឆិកា ឆ្នាំ១៩៥១) គឺជាអ្នកការទូតកម្ពុជា ដែលជាឯកអគ្គរាជទូតកម្ពុជា ប្រចាំសហរដ្ឋអាមេរិក ពីឆ្នាំ ២០០៨ ដល់ ២០១៥។ មុនពេលលោកចូលកាន់តំណែង លោកធ្លាប់ធ្វើជាទីប្រឹក្សារបស់ឯកឧត្ដម ហោ ណាំហុង រដ្ឋមន្ត្រីក្រសួងការបរទេស និងធ្លាប់ធ្វើការនៅក្រសួងការបរទេស ។ លោកមានបទពិសោធន៍ជាង៣០ឆ្នាំក្នុងកិច្ចការបរទេស។ [១]
ហែម ហេង | |
|---|---|
 | |
| ឯកអគ្គរាជទូតកម្ពុជាប្រចាំសហរដ្ឋអាមេរិក | |
| ក្នុងការិយាល័យ ១ តុលា ២០០៨ – ៣ សីហា ២០១៥ | |
| ព្រះមហាក្សត្រ | នរោត្តម សីហមុនី |
| នាយករដ្ឋមន្ត្រី | ហ៊ុន សែន |
| មុន | ឯក សេរីវឌ្ឍន៍ |
| បន្ទាប់ | ជុំ ប៊ុនរ៉ុង |
| ព័ត៌មានលម្អិតផ្ទាល់ខ្លួន | |
| កើត | 8 វិច្ឆិកា 1951 កំពង់ចាម, កម្ពុជា |
| គណបក្សនយោបាយ | គណបក្សប្រជាជនកម្ពុជា |
| កូន | ៣ |
| សាលាមាតា | សាកលវិទ្យាល័យដេលី (អនុបណ្ឌិតសិល្បៈ) |
ជីវប្រវត្តិ
កែប្រែ
ហែម ហេង កើតនៅថ្ងៃទី៨ ខែវិច្ឆិកា ឆ្នាំ១៩៥១ នៅខេត្តកំពង់ចាម។ ជាអ្នកការទូតដែលមានបទពិសោធន៍ជាង៣០ឆ្នាំក្នុងកិច្ចការបរទេស លោកបានសិក្សានៅសាលាកសិកម្មព្រែកលៀប ហើយបានបញ្ចប់ការសិក្សានៅឆ្នាំ១៩៧០។ អាជីពការទូតរបស់គាត់បានចាប់ផ្តើមនៅខែមិថុនា ឆ្នាំ១៩៧៩ បន្ទាប់ពីការផ្តួលរំលំរបបខ្មែរក្រហម នៅពេលដែលលោកបានចូលបម្រើការងារនៅក្រសួងការបរទេស និងសហប្រតិបត្តិការអន្តរជាតិ។ ពីឆ្នាំ១៩៨៣ ដល់ឆ្នាំ១៩៨៥ លោកបានធ្វើការជាប្រធានការិយាល័យនៅក្នុងនាយកដ្ឋានពិធីការរបស់ក្រសួង។ ក្រោយពីបំពេញកាតព្វកិច្ចនេះ កិច្ចការបរទេសដំបូងរបស់លោកបាននាំលោកទៅទីក្រុងហាណូយ ប្រទេសវៀតណាម ដែលលោកបានបម្រើការជាលេខាទីពីរនៅស្ថានទូតកម្ពុជា។ [១]
លោកត្រូវបានតែងតាំងជាអនុប្រធាននាយកដ្ឋានសហប្រតិបត្តិការសេដ្ឋកិច្ចក្នុងឆ្នាំ១៩៩២ ហើយបានបម្រើការក្នុងតួនាទីនេះអស់រយៈពេល៤ឆ្នាំ។ ក្នុងអំឡុងពេលនេះ លោកបានចូលរៀននៅសាលាភូមិន្ទរដ្ឋបាលរាជធានីភ្នំពេញ ដោយទទួលបានវិញ្ញាបនបត្ររដ្ឋបាលសាធារណៈ (១៩៩៣)។ នៅឆ្នាំ ១៩៩៦ លោកត្រូវបានតែងតាំងជាអគ្គនាយករងនៃអគ្គនាយកដ្ឋានអាស៊ានសម្រាប់ក្រសួងការបរទេស។
នៅឆ្នាំ១៩៩៨ លោកត្រូវបានបញ្ជូនទៅកាន់ប្រទេសឥណ្ឌា ដោយបម្រើការជារដ្ឋមន្ត្រីទីប្រឹក្សានៅស្ថានទូតកម្ពុជា។ ពេលនៅទីក្រុងញូវដេលី គាត់បានចូលរៀននៅបណ្ឌិតសភាច្បាប់អន្តរជាតិ និងការទូតរបស់ប្រទេសឥណ្ឌា ដោយទទួលបានសញ្ញាប័ត្រនៅឆ្នាំ១៩៩៩ ផ្នែកច្បាប់អន្តរជាតិ អង្គការអន្តរជាតិ និងការទូត។ គាត់ក៏បានទទួលអនុបណ្ឌិតផ្នែកវិទ្យាសាស្ត្រនយោបាយពីសាកលវិទ្យាល័យដេលីក្នុងឆ្នាំ២០០១។ ពីឆ្នាំ២០០៤ ដល់ ២០០៦ លោកជានាយកផ្នែកព័ត៌មាន និងឯកសារសម្រាប់ក្រសួងការបរទេស ហើយស្របគ្នានោះ គឺជាទីប្រឹក្សាឧបនាយករដ្ឋមន្ត្រី រហូតដល់ខែតុលា ឆ្នាំ២០០៨ នៅពេលដែលលោកត្រូវបានតែងតាំងជាឯកអគ្គរដ្ឋទូតប្រចាំសហរដ្ឋអាមេរិក។ [២]
ជីវិតឯកជន
កែប្រែហេង និយាយភាសាខ្មែរ អង់គ្លេស និងបារាំង។ គាត់បានរៀបការហើយមានកូនប្រុសបីនាក់។
ឯកសារយោង
កែប្រែ- ↑ ១,០ ១,១ "AllGov - Officials". www.allgov.com. Retrieved 16 March 2014. Cite error: Invalid
<ref>tag; name "allgov" defined multiple times with different content - ↑ "Heng Hem" (PDF). embassyofcambodia.org. Retrieved 16 March 2014.