ទ្រឹស្តីបទវីវីអានី

ទ្រឹស្តីបទវីវីអានី (Viviani's theorem) ជាទ្រឹស្តីបទគណិតវិទ្យា​ដែល​ត្រូវ​បានហៅ​ដោយយកឈ្មោះតាមអ្នកប្រាជ្ញគណិតវិទ្យាជនជាតិអ៊ីតាលី ឈ្មោះ វីនជីនហ្ស៊ូ វីវីអានី (Vincenzo Viviani) ។

ផលបូក​នៃ​រង្វាស់ជ្រុង$\ l+m+n$ ស្មើនឹង​​កំពស់នៃត្រីកោណ

ទ្រឹស្តីបទ៖ ផលបូកចំងាយពីចំនុចមួយនៅខាងក្នុងនៃត្រីកោណសម័ង្សទៅកាន់ជ្រុងទាំងបីរបស់វាគឺស្មើនឹងរង្វាស់កំពស់នៃត្រីកោណសម័ង្សនោះ។

ទ្រឹស្តីបទអាចត្រូវបានពន្លាតបានដល់ពហុកោណស្មើ។

សំរាយបញ្ជាក់

ទ្រឹស្តីបទនេះអាចត្រូវបានបង្ហាញយ៉ាងងាយដោយធ្វើការប្រៀបធៀបត្រីកោណ។ តាង $\ ABC$ ជាត្រីកោណសម័ង្ស និង $\ P$ ជាចំនុចមួយនៅក្នុងត្រីកោណនោះ។ តាង $\ a$ ជារង្វាស់ជ្រុង និង $\ h$ ជាកំពស់របស់ត្រីកោណនោះ។ រួចតាង $\ l\quad m$ និង $\ n$ ជាចំងាយពីចំនុច $\ P$ ទៅជ្រុងត្រីកោណ។ នោះគេបាន

$\ S(ABC)=S(ABP)+S(ACP)+S(BCP),$

${\frac {ah}{2}}={\frac {al}{2}}+{\frac {am}{2}}+{\frac {an}{2}}$

$\Rightarrow h=l+m+n$

ដូចនេះកំពស់ $\ h$ នៃត្រីកោណសម័ង្ស ស្មើនឹង​ផលបូកចំងាយ​ពី​ចំនុចមួយ​ស្ថិតនៅក្នុងត្រីកោណទៅកាន់ជ្រុងរបស់វា។