កម្ពស់ត្រីកោណ

ក្នុងធរណីមាត្រ កម្ពស់នៃត្រីកោណជាបន្ទាត់កាត់តាមកំពូលនៃត្រីកោណនិងកែងទៅនឹងជ្រុងឈមនៃកំពូលនោះ (មានន័យថាវាបង្កើតបានមុំកែង) ។ ចំណុចប្រសព្វរវាងជ្រុងឈមនិងកម្ពស់ហៅថាជើងនៃកម្ពស់។ ជ្រុងឈមនេះហៅថាបាតនៃកម្ពស់។ ប្រវែងនៃកម្ពស់ជាចំងាយរវាងបាតនិងកពូល។

ក្នុងត្រីកោណសមបាត (ត្រីកោណដែលមានជ្រុងពីរមានរង្វាស់ស្មើគ្នា) កម្ពស់របស់វាមិនមានប្រវែងស្មើគ្នាទេ ដែលជើងរបស់វាជាចំណុចកណ្ដាលនៃបាត។

កម្ពស់នៃត្រីកោណអាចត្រូវបានគេប្រើប្រាស់ដើម្បីគណនាក្រឡាផ្ទៃនៃត្រីកោណ។ ក្រឡាផ្ទៃត្រីកោណអាចគណនាបានដោយយកប្រវែងកម្ពស់គុណនឹងបាត រួចចែកនឹង២។ តាមរយៈអនុគមន៍ត្រីកោណមាត្រ វាអាចត្រូវបានស្គាល់ប្រវែងជ្រុងមួយនៃត្រីកោណ។

ក្នុងត្រីកោណកែង កម្ពស់ដែលមានអ៊ីប៉ូតេនុសជាបាត ចែកអ៊ីប៉ូតេនុសជាពីរមានរង្វាស់ p និង q ។ ប្រសិនបើយើងតាង h ជាកម្ពស់ នោះគេបានទំនាន់ទំនង់៖

$\color {Fuchsia}h^{2}=pq\,$

កម្ពស់ និង អរតូសង់នៃត្រីកោណ

អរតូសង់

កម្ពស់ និង អរតូសង់នៃត្រីកោណ

កម្ពស់ទាំងបីនៃត្រីកោណប្រសព្វគ្នាចំណុចមួយ ហៅថាអរតូសង់នៃត្រីកោណ។ អរតូសង់នៃត្រីកោណគឺស្ថិតនៅផ្នែកខាងក្នុងនៃត្រីកោណ លុះត្រាតែត្រីកោណនោះមានមុំមួយជាមុំទាល (មុំដែលធំជាង ៩០^០) ។

បួនចំណុចក្នុងប្លង់ ដែលចំណុចមួយក្នុងចំនោមចំណុចទាំងបួននេះជាអរតូសង់នៃត្រីកោណបង្កើតដោយចំណុចបីផ្សេងពីចំណុចនេះហៅថាប្រព័ន្ធអរតូសង់ ឬ ចតុកោណអរតូសង់។

តាង A, B, C ជាមុំនៃត្រីកោណ ABC និងតាង $a=|BC|,b=|CA|,c=|AB|\,$ ជារង្វាស់ជ្រុងនៃត្រីកោណនេះ។ អរតូសង់នេះមានកូអរដោនេទ្រីលីនេអ៊ែរ $\sec A:\sec B:\sec C\,$ និងកូអរដោនេបារីសង់

$((a^{2}+b^{2}-c^{2})(a^{2}-b^{2}+c^{2}):(a^{2}+b^{2}-c^{2})(-a^{2}+b^{2}+c^{2}):(a^{2}-b^{2}+c^{2})(-a^{2}+b^{2}+c^{2}))\,$

ទ្រឹស្តីបទបន្ថែមមួយចំនួនអំពីកម្ពស់

ចំពោះត្រីកោណសម័ង្ស

ចំពោះចំណុចនៅក្នុងត្រីកោណសម័ង្ស ផលបូកនៃរង្វាស់ជ្រុងកែងទៅនឹងជ្រុងទាំងបីស្មើនឹងកម្ពស់នៃត្រីកោណ។

កាំនៃរង្វង់ចារឹកក្នុង

គេមានត្រីកោណ ABC ដែលមានរង្វាស់ជ្រុងរៀងគ្នា a, b, c និងកម្ពស់រៀងគ្នា α, β, η ។ គេបានទំនាក់ទំនងរវាងកម្ពស់និងកាំនៃរង្វង់ចារឹកក្នុងសំដែងដោយ

${\tfrac {1}{r}}={\tfrac {1}{\alpha }}+{\tfrac {1}{\beta }}+{\tfrac {1}{\eta }}$

សូមមើលផងដែរ

• ត្រីកោណ
• មេដ្យាន
• រង្វង់អយល័រ (ឬរង្វង់អឺលែរ)