សារមន្ទីរកុលាលភាជន៍អង្គរនៅតានី

 

សារៈមន្ទីរកុលាលភាជន៍អង្គរភូមិតានី គឺជាសារមន្ទីរមួយដែលមានទីតាំងនៅភូមិតានី ក្រុងសៀមរាប ប្រទេសកម្ពុជា ។ នៅទសវត្សរ៍ឆ្នាំ 1990 អ្នកស្រាវជ្រាវបានរកឃើញទីតាំងមួយចំនួននៃឡដុតបុរាណខ្មែរនៅតំបន់អង្គរ។ ការជីកកកាយលើរចនាសម្ព័ន្ធចង្រ្កាន ដំណើរការឡដុតបុរាណ និងកុលាលភាជន៍ខ្មែរនៅភូមិតានី បានចាប់ផ្តើមនៅឆ្នាំ ១៩៩៦។ សារមន្ទីរកុលាលភាជន៍អង្គរនៅតានី គឺជាសារមន្ទីរដំបូងគេក្នុងប្រទេសកម្ពុជាដែលត្រូវបានសាងសង់នៅលើទីតាំងបុរាណវត្ថុ និងបានបើកដំណើរការនៅឆ្នាំ ២០០៩។ សារមន្ទីរនេះផ្តល់ព័ត៌មានសំខាន់ៗអំពីជីវភាពរស់នៅប្រចាំថ្ងៃ ពាណិជ្ជកម្ម ការអភិវឌ្ឍន៍សិប្បកម្ម និងគ្រឿងកុលាលភាជន៍ខ្មែររបស់បុព្វបុរសក្នុងសម័យអង្គរ។