ឝិវកៃវល្យ
ព្រាហ្មណ៍ឝិវកៃវល្យ (សម័យជយវម៌្មទី៣) ជារាជគ្រូរបស់វ្រះបាទជយវម៌្មទី៣។
ប្រវត្តិទាក់ទងនឹងវិធីទេវរាជ
កែប្រែព្រាហ្មណ៍ព្រះគ្រូហិរណ្យទាម បានបង្ហាត់បង្រៀនសាស្ត្រទាំងបួនក្នុងគម្ពីរព្រះឥសូរ (សាស្ត្រាទាំងបួនមាន ៖ វិន័យ សិក្ខានយោត្តរៈ សម្មោអៈ និង សិររិឆេ) ដល់ ព្រាហ្មណ៍សិវកៃវល្យ ទីប្រឹក្សាជំនិត ព្រះមហាក្សត្រ ដើម្បីឲ្យចេះចាំក្បួនវិធី រៀបចំធ្វើសក្ការៈបូជា គោរពទេវរាជ។ ធម៌ទាំងនេះពួកព្រាហ្មណ៍ត្រូវរៀនសូត្រ សូត្រស្វាធ្យាយ និងត្រូវរៀបចំធ្វើពិធីផ្សេងៗ ដើម្បីកំចាត់សត្រូវ ដើម្បីប្រកាសតាំងខ្លួនជាអ្នកជាមានឯករាជភាព មានឥស្សរភាព និងបួងសួងសុំឲ្យមាននូវសេចក្ដីចំរុងចំរើន សំបូរសប្បាយ ដល់ប្រជាជាតិ។ គឺអាចជាទ្រឹស្ដី ជាក្បួនតំរាគម្ពីរសំរាប់ រៀបចំកសាងនគរឲ្យមានឯកភាពខ្លាំងពូកែល្អ។ ជាគុណបំណាច់ដល់ ព្រាហ្មណ៍សិវកៃវល្យ ព្រះមហាក្សត្រ បានសច្ចាប្រគល់សិទ្ធិផ្ដាច់មុខដល់គ្រួសារព្រាហ្មណ៍តពូជ ពីជំនាន់មួយទៅជំនាន់មួយជាលំដាប់លំដោយ តាមត្រកូលខាងម្ដាយ ឲ្យមានឋានៈជាអ្នកទទួលបន្ទុករៀបចំពិធីបូជា ទេវរាជតទៅអនាគត។ ដូច្នេះហើយ បានជាយើងឃើញមាន ក្រុមព្រាហ្មណ៍បាគូបុរោហិតនៅជិតជាប់ព្រះមហាក្សត្រដើម្បីជាសក្ខីភាពនៃការគោរពប្រពៃណី។ តែក្រុមព្រាហ្មណ៍បុរោហិត ដែលមានពូជពង្សចុះមកពីព្រាហ្មណ៍ សិវកៃវល្យ ប្រហែលជាផុតពូជក្នុងសម័យស្ដេចត្រសក់ផ្អែម ពីព្រោះស្ដេចអង្គនេះគ្មានបញ្ចក្សត្រ គ្មានព្រះខ័នរាជ គ្មានអ្វីជាសំគាល់ជាស្ដេចពេញគ្រប់លក្ខណៈ តាមច្បាប់ក្រឹត្យក្រម វិន័យខ្មែរឡើយ (ពូជពង្ស វង្សត្រកូល ព្រាហ្មណ៍ សិវកៃវល្យ ប្រហែលជាត្រូវរលត់ផុតអស់លែងមានក្នុងសម័យព្រឹត្តិការណ៍តាត្រសក់ផ្អែម ដណ្ដើមរាជ្យ ដែលបានកាប់សំលាប់បំផ្លាញអ្វីជាព្រហ្មញ្ញសាសនា។ ដូច្នេះហើយ ទើបបានជាស្ដេចត្រសក់ផ្អែមបញ្ជាឲ្យបង្កើតក្រុមព្រាហ្មណ៍បុរោហិត និងបញ្ចក្សត្រសំរាប់តំណាងរាជបល្លង្ក)។ ឯពិធីធ្វើសក្ការៈបូជា ទេវរាជត្រូវបានព្រះមហាក្សត្រខ្មែរជំនាន់ក្រោយ គោរពប្រណិប័តណ៍អនុវត្តធ្វើតាមរហូតមកដល់សព្វថ្ងៃ។ មិនតែប៉ុណ្ណោះ ព្រាហ្មណ៍សិវកៃវល្យ បានទទួលឋានៈ ជាព្រះរាជគ្រូរបស់ព្រះមហាក្សត្រ។
ឯកសារយោង
កែប្រែ- វិគីភីឌាខ្មែរ