អូន ព័ន្ធមុនីរ័ត្ន
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ( កើតថ្ងៃទី១ ខែតុលា ឆ្នាំ១៩៦៥) ជាអ្នកនយោបាយ និងសេដ្ឋវិទូខ្មែរ ដែលបច្ចុប្បន្នកំពុងបម្រើការជា រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាឧបនាយករដ្ឋមន្ត្រី។[១] លោកក៏ធ្លាប់បានបម្រើការជាទីប្រឹក្សាសេដ្ឋកិច្ចរបស់នាយករដ្ឋមន្ត្រី ពីឆ្នាំ១៩៩៨ ដល់ឆ្នាំ២០១៣ ផងដែរ។ មុនពេលបានចូលកាន់តំណែងជារដ្ឋមន្ត្រី លោកធ្លាប់ធ្វើការនៅក្រសួងសេដ្ឋកិច្ច និងហិរញ្ញវត្ថុ ក្នុងនាមជារដ្ឋលេខាធិការ។ ក្រៅពីនេះ លោកក៏ជាតំណាងរាស្ត្រប្រចាំខេត្តកណ្ដាលចាប់តាំងពីឆ្នាំ២០១៨ ទៀតផង។
អូន ព័ន្ធមុនីរ័ត្ន | |
|---|---|
.jpg) | |
| ឧបនាយករដ្ឋមន្ត្រីកម្ពុជា | |
| ក្នុងការិយាល័យ ៦ កញ្ញា ២០១៨ | |
| នាយករដ្ឋមន្ត្រី | ហ៊ុន សែន ហ៊ុន ម៉ាណែត |
| រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ | |
| ក្នុងការិយាល័យ ២៤ កញ្ញា ២០១៣ | |
| នាយករដ្ឋមន្ត្រី | ហ៊ុន សែន ហ៊ុន ម៉ាណែត |
| មុន | គាត ឈន់ |
| សមាជិករដ្ឋសភា | |
| ក្នុងការិយាល័យ ៥ កញ្ញា ២០១៨ | |
| មណ្ឌលបោះឆ្នោត | ខេត្តកណ្ដាល |
| ព័ត៌មានលម្អិតផ្ទាល់ខ្លួន | |
| កើត | 1 October 1965 រាជធានីភ្នំពេញ, ប្រទេសកម្ពុជា |
| សញ្ជាតិ | ខ្មែរ |
| គណបក្សនយោបាយ | គណបក្សប្រជាជនកម្ពុជា |
| សាលាមាតា | សាកលវិទ្យាល័យរដ្ឋម៉ូស្គូ (អនុបណ្ឌិតសិល្បៈ, បណ្ឌិតទស្សនវិជ្ជា) |
| គេហទំព័រ | Government website |
ជីវិតនិងអាជីព កែប្រែ
អូន ព័ន្ធមុនីរ័ត្ន កើតនៅឆ្នាំ ១៩៦៥ នៅរាជធានីភ្នំពេញនៃកម្ពុជា។ ដែលជាសេដ្ឋវិទូ លោកបានបម្រើការនៅក្រសួងសេដ្ឋកិច្ច និងហិរញ្ញវត្ថុនៃប្រទេសកម្ពុជាតាំងពីឆ្នាំ១៩៩៤។ តំណែងដំបូងរបស់លោកចាប់ផ្ដើមនៅខែកញ្ញា ឆ្នាំ១៩៩៣ ជាជំនួយការលោកនាយករដ្ឋមន្ត្រី ហ៊ុន សែន រហូតដល់ខែកុម្ភៈ ឆ្នាំ១៩៩៤។ នៅខែធ្នូ ឆ្នាំ១៩៩៨ លោកបានក្លាយជាទីប្រឹក្សាសេដ្ឋកិច្ចរបស់នាយករដ្ឋមន្ត្រី ដែលមានឋានៈជារដ្ឋលេខាធិការ។ នៅថ្ងៃទី៦ ខែកុម្ភៈ ឆ្នាំ១៩៩៩ លោកត្រូវបានតែងតាំងជាអគ្គលេខាធិការនៃក្រសួងសេដ្ឋកិច្ច និងហិរញ្ញវត្ថុ។ លោកគឺជាសមាជិកក្រុមប្រឹក្សាភិបាលនៃសាលាភូមិន្ទរដ្ឋបាល និង ធនាគារជាតិនៃកម្ពុជា ។
នៅឆ្នាំ២០១៣ លោកត្រូវបានជ្រើសរើសឱ្យឡើងកាន់តំណែងជារដ្ឋមន្ត្រីក្រសួងហិរញ្ញវត្ថុបន្ទាប់ពីឯកឧត្តម គាត ឈន់ ហើយចូលកាន់តំណែងនៅថ្ងៃទី២៤ ខែកញ្ញា ឆ្នាំ២០១៣។ លោកជាប្រធានឧត្តមក្រុមប្រឹក្សាសេដ្ឋកិច្ចជាតិ (តាំងពីខែកញ្ញា ឆ្នាំ២០០១)។ [២]
នៅឆ្នាំ២០២០ លោកត្រូវបានគេលើកឡើងថាជាបេក្ខជនដ៏មានសក្ដានុពលជានាយករដ្ឋមន្ត្រី មុនពេលដែលគណបក្សប្រជាជនកម្ពុជាជ្រើសរើសលោកឯកឧត្តម ហ៊ុន ម៉ាណែត នៅខែធ្នូ ឆ្នាំ២០២១។ មុននេះ ត្រូវបានគេរាយការណ៍មកថា មានគម្រោងឲ្យ អូន ព័ន្ធមុនីរ័ត្ន ជានាយករដ្ឋមន្ត្រីអន្តរកាល មុននឹងប្រគល់ឱ្យលោក ហ៊ុន ម៉ាណែត ជាយថាហេតុ ស្រដៀងនឹងតួនាទីរបស់លោកហ្គោច ឆុកតុង មុនពេលប្រគល់ឱ្យលោក លី ស៊ានឡុង ។ [៣]
សមិទ្ធិផលសិក្សា កែប្រែ
អូនជានិស្សិតបញ្ចប់ការសិក្សានៅ សាកលវិទ្យាល័យរដ្ឋម៉ូស្គូ ដែលលោកបានទទួលបណ្ឌិតទស្សនវិជ្ជា ផ្នែកវិទ្យាសាស្ត្រសង្គម និងនយោបាយ។ លោកនិយាយភាសាដោយស្ទាត់ជំនាញនឹង ភាសាអង់គ្លេស និង រុស្ស៊ី ។
ជីវិតឯកជន កែប្រែ
លោកបានរៀបការជាមួយ អ៊ឹម ប៉ូលីកា ហើយមានកូនប្រុសម្នាក់ឈ្មោះ អូន ព័ន្ធមុនីរាជ ដែលរៀបការជាមួយចៅស្រី ឡោ ម៉េងឃីន ។ [៤] [៥] លោកមាន សញ្ជាតិពលរដ្ឋស៊ីប ។ [៦]
ឯកសារយោង កែប្រែ
- ↑ "H.E. Aun Porn Moniroth". Ministry of Economy and Finance. Retrieved 25 May 2014.
- ↑ "H.E. Aun Porn Moniroth". Ministry of Economy and Finance. Retrieved 25 May 2014.
- ↑ "PM Successor Poser: Mr Hun Sen hints at Aun Pornmoniroth pick". Khmer Times. 16 December 2020. https://www.khmertimeskh.com/50793511/pm-successor-poser-mr-hun-sen-hints-at-aun-pornmoniroth-pick/.
- ↑ "Cambodian Elite Park Millions in Australia". RFA (in អង់គ្លេស). Retrieved 2023-03-10.
- ↑ Nimol, Seoung (2023-02-02). "Finance Minister's Wife Gets State Land in Keo Seima for Ecotourism". VOD (in British English). Retrieved 2023-03-10.
- ↑ "How relatives and allies of Cambodia’s leader amassed wealth overseas." (ជាen). Reuters. https://www.reuters.com/investigates/special-report/cambodia-hunsen-wealth/.