ង្វៀន ហ៊្វូចុង
ង្វៀន ហ្វ៊ូចុង (ភាសាវៀតណាម៖ Nguyễn Phú Trọng, ១៤ មេសា ១៩៤៤ – ១៩ កក្កដា ២០២៤) គឺជាអ្នកនយោបាយវៀតណាមម្នាក់ដែលបានបម្រើការជាអគ្គលេខាធិការបក្សកុម្មុយនីស្តវៀតណាមចាប់ពីឆ្នាំ២០១១ រហូតដល់ឆ្នាំ២០២៤។ ក្នុងនាមជាប្រធានលេខាធិការដ្ឋាន ការិយាល័យនយោបាយ និងគណៈកម្មាធិការយោធាមជ្ឈិមបក្ស លោកចុងត្រូវជាមេដឹកនាំកំពូលនៃប្រទេសវៀតណាម។[១] លោកក៏ធ្លាប់បានបម្រើការជាប្រធានាធិបតីវៀតណាមពីឆ្នាំ២០១៨ រហូតដល់ឆ្នាំ ២០២១ ផងដែរ។
ង្វៀន ហ្វ៊ូចុង | |
|---|---|
| Nguyễn Phú Trọng | |
 | |
| អគ្គលេខាធិការបក្សកុម្មុយនីស្តវៀតណាម | |
| ក្នុងការិយាល័យ ១៩ មករា ២០១១ – ១៩ កក្កដា ២០២៤ | |
| មុន | ណុង ឌឺកម៉ាញ់ |
| លេខាធិការនៃគណៈកម្មាធិការមជ្ឈិមយោធានៃបក្សកុម្មុយនីស្តវៀតណាម | |
| ក្នុងការិយាល័យ ១៩ មករា ២០១១ – ១៩ កក្កដា ២០២៤ | |
| រង | ហ្វ៊ូង ក្វាងថាញ់ ង៉ូ ស្វឹនលិច ហ្វាន វ៉ាន់ហ្សាង |
| មុន | ណុង ឌឺកម៉ាញ់ |
| ប្រធានាធិបតីវៀតណាម | |
| ក្នុងការិយាល័យ ២៣ តុលា ២០១៨ – ៥ មេសា ២០២១ | |
| នាយករដ្ឋមន្ត្រី | ង្វៀន ស៊ួនហ្វុក |
| អនុប្រធាន | ដាំង ធីង៉ុកធិញ |
| មុន | ចឹន ដាយក្វាង ដាំង ធីង៉ុកធិញ (ស្ដីទី) |
| បន្ទាប់ | ង្វៀន ស៊ួនហ្វុក |
| ប្រធានរដ្ឋសភា | |
| ក្នុងការិយាល័យ ២៦ មិថុនា ២០០៦ – ២៣ កក្តា ២០១១ | |
| មុន | ង្វៀន វ៉ាន់អាន |
| បន្ទាប់ | ង្វៀន ស៊ីញហ៊ូង |
| លេខាគណៈកម្មាធិការបក្សទីក្រុងហាណូយ | |
| ក្នុងការិយាល័យ មករា ២០០០ – ២៦ មិថុនា ២០០៦ | |
| មុន | លេ ស្វឹនទុង |
| បន្ទាប់ | ហ្វាម ក្វាងងី |
| សមាជិករដ្ឋសភា | |
| ក្នុងការិយាល័យ ១៩ ឧសភា ២០០២ | |
| មណ្ឌលបោះឆ្នោត | ហាណូយ |
| ព័ត៌មានលម្អិតផ្ទាល់ខ្លួន | |
| កើត | ១៤ មេសា ១៩៤៤ ឃុំហូយហ្វ៊ុ ស្រុកដុងង៉ាន ខេត្តបាក់និញ ឥណ្ឌូចិនបារាំង (បច្ចុប្បន្ន ឃុំដុងហូយ ស្រុកដុងអាញ់ ក្រុងហាណូយ) |
| ស្លាប់ | ១៩ កក្កដា ២០២៤ (អាយុ ៨០ ឆ្នាំ) ហាណូយ, វៀតណាម |
| គណបក្សនយោបាយ | បក្សកុម្មុយនីស្តវៀតណាម |
| ពន្ធភាព | ង៉ូ ធីម៉ឹន |
| សាលាមាតា | សាកលវិទ្យាល័យទីក្រុងហាណូយ បណ្ឌិតសភាជាតិនៃរដ្ឋបាលសាធារណៈ បណ្ឌិតសភាវិទ្យាសាស្ត្ររុស្ស៊ី |
លោកចុងបានចូលរួមជាមួយបក្សកុម្មុយនីស្តវៀតណាមនៅក្នុងឆ្នាំ១៩៦៨ ហើយបានចាប់ផ្តើមទទួលប្រជាប្រិយភាពតាមរយៈការងារនយោបាយរបស់លោក។ គាត់បានចូលរួមជាសមាជិកគណៈកម្មាធិការមជ្ឈិមបក្សនៅក្នុងឆ្នាំ១៩៩៤ និងបន្ទាប់មកក្នុងការិយាល័យនយោបាយនៅឆ្នាំ១៩៩៧ មុនពេលក្លាយជាសមាជិករដ្ឋសភានៅក្នុងឆ្នាំ២០០២។ ពីចន្លោះឆ្នាំ២០០០ និងឆ្នាំ២០០៦ គាត់បានកាន់តំណែងជាលេខាធិការនៃគណៈកម្មាធិការបក្សប្រចាំរដ្ឋធានីហាណូយ ដែលត្រូវជាតំណែងនយោបាយដ៏ខ្ពស់បំផុតសម្រាប់ទីក្រុងនេះ។ បន្ទាប់មក លោកក៏បានឡើងធ្វើជាប្រធានរដ្ឋសភាពីឆ្នាំ២០០៦ រហូតដល់ឆ្នាំ២០១១។
គាត់ត្រូវបានជ្រើសរើសជាអគ្គលេខាធិការបក្សនៅក្នុងសមាជជាតិលើកទី១១ នៅក្នុងឆ្នាំ២០១១ និងបានជាប់ឆ្នោតបន្តមួយអាណត្តិទៀតនៅក្នុងសមាជជាតិលើកទី១២ នៅក្នុងឆ្នាំ២០១៦។ ក្នុងអំឡុងពេលដឹកនាំ លោកបានចេញយុទ្ធនាការប្រឆាំងអំពើពុករលួយទ្រង់ទ្រាយធំ ដែលនាំឱ្យប៉ះពាល់ដល់មន្រ្តីជាន់ខ្ពស់ជាច្រើនរូប។ លោកបានក្លាយជាប្រធានាធិបតីនៅក្នុងឆ្នាំ២០១៨ បន្ទាប់ពីអតីតប្រធានរដ្ឋ លោកជិន ដាយក្វាងបានទទួលមរណភាពអំឡុងពេលកាន់តំណែង ដោយបានក្លាយខ្លួនជាបុគ្គលទីបីប៉ុណ្ណោះដែលដឹកនាំបក្ស និងរដ្ឋក្នុងពេលដំណាលគ្នាបន្ទាប់ពីលោកហូ ជីមិញ និងទ្រឿង ជីញ។ នៅក្នុងមហាសន្និបាតជាតិលើកទី១៣ នៃឆ្នាំ២០២១ លោកត្រូវបានបោះឆ្នោតជ្រើសរើសជាអគ្គលេខាធិការបក្សម្តងទៀត ដោយក្លាយខ្លួនជាមេដឹកនាំវៀតណាមទីបីប៉ុណ្ណោះដែលកាន់អំណាចបានបីអាណត្តិ (បន្ទាប់ពីលោកហូ ជីមិញ និងឡេ ស៊ួន) ខណៈតំណែងប្រធានាធិបតីត្រូវផ្ទេរទៅឱ្យង្វៀន ស៊ួនហ្វុក។
មរណភាព
កែប្រែលោកចុងបានទទួលមរណភាពនៅឯទីក្រុងហាណូយនៅថ្ងៃទី១៩ ខែកក្កដា ឆ្នាំ២០២៤ ដោយមានអាយុ ៨០ ឆ្នាំ។[២][៣] ប្រព័ន្ធផ្សព្វផ្សាយរដ្ឋដែលដកស្រង់ព័ត៌មានពីក្រុមគ្រូពេទ្យរបស់ចុង បាននិយាយថា គាត់បានទទួលមរណភាពនៅពេលរសៀលថ្ងៃសុក្រ "បន្ទាប់ពីស៊ូទ្រាំនឹងរោគជំងឺអស់មួយរយៈ"។[៤]
ឯកសារយោង
កែប្រែ- ↑ "Vietnam Communist Party boss Nguyen Phu Trong re-elected". BBC News. 27 January 2016.
- ↑ Wong, Tessa (19 July 2024). "Vietnamese leader Nguyen Phu Trong dies at 80". BBC News. British Broadcasting Corporation. Retrieved 19 July 2024.
- ↑ "Vietnam Communist Party chief Trong dies at 80, state media says". Reuters. July 19, 2024. https://www.reuters.com/world/asia-pacific/vietnam-communist-party-chief-trong-dies-80-state-media-says-2024-07-19/.
- ↑ "Tổng Bí thư Nguyễn Phú Trọng từ trần". Nhân Dân. 2024-07-19. https://nhandan.vn/tong-bi-thu-nguyen-phu-trong-tu-tran-post819993.html.