អគ្គលេខាធិការបក្សកុម្មុយនីស្តកម្ពុជា

អគ្គលេខាធិការនៃគណៈកម្មាធិការបជ្ឈិមបក្សកុម្មុយនីស្តកម្ពុជា ឬហៅឱ្យខ្លីថា លេខាបក្សកុម្មុយនីស្តកម្ពុជា គឺជាតំណែងខ្ពស់បំផុតនៃបក្សកុម្មុយនីស្តកម្ពុជា។ អគ្គលេខាធិការបក្សត្រូវបានបោះឆ្នោតជ្រើសតាំងនៅក្នុងកិច្ចប្រជុំពេញអង្គនៃគណៈកម្មាធិការបជ្ឈិមបក្ស ហើយនឹងត្រូវតាងជាប្រធានលេខាធិការដ្ឋាននិងការិយាល័យនយោបាយ។ តំណែងនេះត្រូវបានលុបចោលនៅពេលដែលបក្សកុម្មុយនីស្តកម្ពុជាត្រូវបានរំលាយនៅឆ្នាំ១៩៨១ គឺពីរឆ្នាំបន្ទាប់ពីកងកម្លាំងវៀតណាមបានវាយចូលប្រទេសកម្ពុជារួចដកហូតអំណាចពីខ្មែរក្រហម។

អគ្គលេខាធិការនៃគណៈកម្មាធិការបជ្ឈិមបក្សកុម្មុយនីស្តកម្ពុជា
ទង់បក្សកុម្មុយនីស្តកម្ពុជា
និមិត្តសញ្ញាបក្សកុម្មុយនីស្តកម្ពុជា
ប៉ុល ពត អគ្គលេខាធិការបក្សចុងក្រោយបង្អស់ ២២ កុម្ភៈ ១៩៦៣ – ៦ ធ្នូ ១៩៨១
គណៈកម្មាធិការបជ្ឈិមបក្សកុម្មុយនីស្តកម្ពុជា
បែបបទ	សមមិត្ត លោកបងទី១
ស្ថានភាព	ប្រធានគណបក្ស
អាសនៈ	ទីក្រុងភ្នំពេញ
និម្មិតកម្ម	២១ កញ្ញា ១៩៥១
អ្នកកាន់តំណែងដំបូង	ទូ សាមុត (២១ កញ្ញា ១៩៥១ – ២០ កក្កដា ១៩៦២)
អ្នកកាន់តំណែងចុងក្រោយ	ប៉ុល-ពត
បាន​លុប​បំបាត់	៦ ធ្នូ ១៩៨១
អនុប្រធាន	អគ្គលេខាធិការរងនៃបក្សកុម្មុយនីស្តកម្ពុជា

បញ្ជី

តាមប្រវត្តិសាស្រ្ត អគ្គលេខាធិការបក្សកុម្មុយនីស្តកម្ពុជា (ប.ក.ក) សរុបមាន ២ រូបគឺ៖

រូបភាព	ឈ្មោះ	រយៈពេលកាន់តំណែង	សម្គាល់
	ទូ សាមុត	២១ កញ្ញា ១៩៥១ – ២០ កក្កដា ១៩៦២	អ្នកកាន់តំណែងដំបូង។ ត្រូវបានបាត់ខ្លួនក្នុងខែកក្កដា ឆ្នាំ១៩៦២ មនុស្សមួយចំនួនបានសន្មតថាលោកត្រូវបានគេចាប់យកទៅសម្លាប់។
	សាឡុត ស (ប៉ុល ពត)	២២ កុម្ភៈ ១៩៦៣ – ៦ ធ្នូ ១៩៨១	ត្រូវបានបោះឆ្នោតជ្រើសតាំងជាអគ្គលេខាធិការបក្សថ្មីក្នុងខែកុម្ភៈ ឆ្នាំ១៩៦៣ ហើយបានរក្សាតំណែងនេះរហូតដល់បក្សត្រូវរំលាយនៅឆ្នាំ១៩៨១។ ក្រោមការដឹកនាំរបស់លោក ចលនាកុម្មុយនីស្តខ្មែរក្រហមបានផ្តួលរំលំរបបសាធារណរដ្ឋខ្មែររបស់លោកសេនាប្រមុខលន់ នល់នៅថ្ងៃទី១៧ ខែមេសា ឆ្នាំ១៩៧៥ រួចហើយបង្កើតចេញជារបបកម្ពុជាប្រជាធិបតេយ្យ ដែលជារបបផ្តាច់ការបែបសង្គមនិយមកសិកម្ម។

មើលផងដែរ

• សង្គមនិយមកសិកម្ម
• សម្ព័ន្ធយុវកុក
• គណបក្សកម្ពុជាប្រជាធិបតេយ្យ