វិគីភីឌា

ខេត្តតាកែវ

ខេត្តនៅក្នុងព្រះរាជាណាចក្រកម្ពុជា

ខេត្តតាកែវ គឺជាខេត្តមួយដែលស្ថិតនៅភាគខាងត្បូងនៃប្រទេសកម្ពុជា។ ស្ថិតនៅខាងលិចទន្លេបាសាក់ ខេត្តតាកែវ មានព្រំប្រទល់ជាប់នឹងខេត្តកំពត ខាងលិចជាប់ ខេត្តកំពង់ស្ពឺខាងជើងឆៀងខាងលិច និងខេត្តកណ្តាលនៅខាងជើងនិងខាងកើត។ ហើយព្រំប្រទល់ភាគខាងត្បូងរបស់ខេត្តគឺព្រំដែនអន្តរជាតិជាមួយវៀតណាម(ខេត្តមាត់ជ្រូក)។ ទីក្រុងខេត្តដែលទើបនឹងត្រូវបានគេស្គាល់ថា​ជា​ទីរួម​ខេត្ត​ដូនកែវ (អតីត​ហៅ​ថា​ក្រុងតាកែវ) គឺជា​ទីក្រុង​តូច​មួយ​មាន​ប្រជាជន​សរុប ៣៩ ១៨៦ នាក់។ ខេត្តតាកែវគឺជាស្លាកស្នាមនៃវប្បធម៌ខ្មែរ ដោយសារតែជាអតីតនគរវ្នំនិងអាណាចក្រចេនឡាស្ថិតនៅកណ្តាលតំបន់។

ខេត្តតាកែវ
ខេត្តតាកែវ
ប្រាសាទតាកែវ
ជើងមេឃនៃខេត្តតាកែវ
ខេត្តតាកែវក្នុងផែនទីនៃប្រទេសកម្ពុជា
ខេត្តតាកែវក្នុងផែនទីនៃប្រទេសកម្ពុជា
ប្រទេស កម្ពុជា
បង្កើតឆ្នាំ១៩០៧
ក្រុងក្រុងដូនកែវ
រដ្ឋាភិបាល
 • អភិបាលខេត្តវុី សំណាង (គណបក្សប្រជាជនកម្ពុជា)
ផ្ទៃក្រឡា
 • សរុប៣៥៦៣ គម2 (១៣៧៦ ម៉ាយ ការ)
ចំណាត់ថ្នាក់ផ្ទៃក្រឡាលំដាប់លេខ២០
ប្រជាជន (២០១៩)[១]
 • សរុប៨៩៩,៤៨៥នាក់
 • ចំណាត់ថ្នាក់លេខ៧
 • ចំណាត់ថ្នាក់សន្ទភាពលំដាប់លេខ៣
ល្វែងម៉ោងUTC+07
កូដតំបន់+៨៥៥
ក្រមអ.ម.អ. ៣១៦៦KH-២១
ស្រុក១០
ឃុំ១០០
ភូមិ១១១៩

ទីតាំងខេត្តតាកែវ

កែប្រែ
 
វាលស្រែនៅខេត្តតាកែវ
 
ផែនទីភូមិសាស្ត្រខេត្តតាកែវ

ខេត្តតាកែវគឺជាខេត្ដមួយស្ថិតនៅភាគខាងត្បូងនៃប្រទេសកម្ពុជា។ ខេត្តនេះមានព្រំប្រទល់ខាងលិចជាប់នឹងខេត្តកំពត ភាគពាយ័ព្យជាប់នឹងខេត្តកំពង់ស្ពឺ ខាងជើងនិងខាងកើតជាប់ខេត្តកណ្ដាល និងភាគខាងត្បូងជាប់ជាមួយព្រំដែនអន្ដរជាតិប្រទេសវៀតណាម។ ខេត្តតាកែវមានផ្ទៃដីសរុប ៣,៦៨០.១៥ គីឡូម៉ែត្កការេ[២]។ ទីរួមខេត្តនៃខេត្តតាកែវគឺក្រុងដូនកែវ ដែលជាក្រុងតូចមួយមានប្រជាជន ៣៩,១៨៦ នាក់។ បើយើងធ្វើដំណើរពីភ្នំពេញទៅកាន់ទីរួមខេត្តតាកែវលើកំណាត់ផ្លូវជាតិលេខ ២ និងលេខ៣ គេនឹងបានឃើញស្ថានភាពប្រជាពលរដ្ឋ ការប្រកបរបររកស៊ីរបស់ពួកគេនៅក្នុងខេត្តនេះ។ មិនតែប៉ុណ្ណោះ គេក៏អាចធ្វើដំណើរតាមផ្លូវជាតិលេខ២ផងដែរ ដែលមានចម្ងាយផ្លូវប្រហែល៧៨ គីឡូម៉ែត្រ។

ចំនួនប្រជាជន

កែប្រែ
 
ប្រជាជនខ្មែរនៅខេត្តតាកែវ

តាមជំរឿនប្រជាជននៅថ្ងៃទី៣ ខែមីនា ឆ្នាំ១៩៩៨ ខេត្តតាកែវមានចំនួន ៧៩០,១៦៨នាក់ និងជំរឿនថ្ងៃទី៣ ខែមីនា ឆ្នាំ២០១៨ ប្រជាជនមានចំនួន ៨៤៤,៩០៦នាក់។ តាមការធ្វើជំរឿនប្រជាជនកម្ពុជានៅថ្ងៃទី៣ ខែមីនា ឆ្នាំ២០១៩ បានបង្ហាញថា ខេត្តតាកែវមានប្រជាជនសរុបចំនួន ៨៩៩,៤៨៥នាក់ និងមានដង់ស៊ីតេចំនួន ២៥២.៥នាក់ក្នុងមួយគីឡូម៉ែត្រការ៉េ។ បើប្រៀបធៀបរវាងចន្លោះឆ្នាំ២០០៨ ដល់ឆ្នាំ២០១៩ មានកើនឡើងចំនួន ០.៥៧%[៣]។

រដ្ឋបាល

កែប្រែ

ខេត្តតាកែវមាន ០១ ក្រុង ០៩ ស្រុក ៩៧ ឃុំ, ៣ សង្កាត់ និង ១១២១ ភូមិ [៤]។

លេខ ស្រុក/ក្រុង ឃុំ/សង្កាត់ ភូមិ
២១០១ ស្រុកអង្គរបូរី ៦ ៣៤
២១០២ ស្រុកបាទី ១៥ ១៦៨
២១០៣ ស្រុកបូរីជលសារ ៥ ៣៩
២១០៤ ស្រុកគិរីវង់ ១២ ១១៥
២១០៥ ស្រុកកោះអណ្តែត ៦ ៦៨
២១០៦ ស្រុកព្រៃកប្បាស ១៣ ១១០
២១០៧ ស្រុកសំរោង ១១ ១៤៧
២១០៨ ក្រុងដូនកែវ ៣(សង្កាត់) ៤០
២១០៩ ស្រុកត្រាំកក់ ១៥ ២៤៤
២១១០ ស្រុកទ្រាំង ១៤ ១៥៤


អភិបាលខេត្ត

កែប្រែ
លរ អភិបាល កាន់តំណែង ប្រភព ផ្សេងៗ
1 វ៉ី សំណាង ២៤ មិថុនា ២០២៤ ព្រះរាជក្រឹត្យលេខ នស/រកត/០៦២៤/៧០០[៥] ឯ. អ៊ូច ភា ត្រូវផ្លាស់​ប្ដូរដំណែង​ទៅជា​រដ្ឋលេខាធិការក្រសួង​មហាផ្ទៃ​វិញ​តាម​ព្រះរាជក្រឹត្យ​លេខ នស/រកត/០៦២៤/៦៩៦[៦]
2 អ៊ូច ភា ២៦ មីនា ២០១៨ ព្រះរាជក្រឹត្យចុះថ្ងៃទី២៦ មីនា ឆ្នាំ២០១៨[៧][៨]
3 ឡាយ វណ្ណៈ
4 ស្រី បេន
5 កែប ជុតិមា
6 ស៊ូ ភីរិន្ទ

ប្រវត្តិសាស្ត្រ

កែប្រែ
 
ប្រាសាទតាព្រហ្មទន្លេបាទី

តាកែវជាខេត្តចំណាស់មួយត្រូវបានគេចាត់ទុកថាជា "ដើមកំណើតនៃអរិយធ៌មខ្មែរ" ដោយសារតែធ្លាប់ជាតំបន់កណ្តាលនៃនគរចេនឡាបន្ទាប់ពីការធ្លាក់ចុះនៃនគរភ្នំ។ ប្រវត្តិសាស្រ្ត ជាច្រើនដែលទាក់ទងនឹងសម័យ អាណាចក្រភ្នំ និងសម័យ ចេនឡា ដោយមាន ប្រាសាទបុរាណជាច្រើនរហូតដល់៣៤ប្រាសាទដែលបានកសាងឡើងមុនសម័យអង្គររវាងសតវត្សទី៥ដល់ទី៨។ សក្ដានុពលភាពសំខាន់ក្នុងខេត្ត នេះគឺវិស័យទេសចរណ៍ ដែលជាប្រភពចំណូលជូនរដ្ឋ និងអាចឱ្យប្រជាពលរដ្ឋទាញរកប្រយោជន៍ពីវិស័យនេះផងដែរ។ តំបន់ទេសចរណ៍សំខាន់ៗក្នុងខេត្តនេះមានភាគច្រើនជាទីតាំងប្រវត្តិសាស្ត្រ ដូចជា ប្រាសាទបុរាណជាដើម ដែលធ្វើឱ្យទេសចរចូលចិត្តមកធ្វើការសិក្សាស្រាវជ្រាវ ព្រមទាំងទទួលនូវអារម្មណ៍បរិសុទ្ធ ពីទេសភាពប្រណីតៗជុំវិញតំបន់ ប្រាសាទបុរាណនោះផងដែរ។តាកែវត្រូវបានគេគិតថាជាកន្លែងកំណើតនៃអរិយធម៌ខ្មែរ។ ពាណិជ្ជករនៃប្រទេសចិនបានរៀបរាប់ថា រាជាណាចក្រខ្មែរកាលពីដើមមានទីតាំងស្ថិតនៅតាកែវ ដែលមានឈ្មោះថា "ហ្វ៊ូណន" ហើយពួកគេបាននិយាយទៀតថា នេះជាព្រះរាជាណាចក្រដែលមានកំពែងព័ទ្ធជុំវិញ។ ភស្ដុតាងនៃវត្ថុបុរាណនៅអង្គរបុរី បានបញ្ជាក់ថាទីនេះជាកន្លែងដែល ជាមូលដ្ឋាននៃព្រះរាជាណាចក្រខ្មែរយ៉ាងសំខាន់ចាប់តាំងពីដើមឆ្នាំ ៤០០ មុនគ្រិស្តសករាជ។ ក្នុងចំណោមខេត្តទាំង ២៤ ខេត្តតាកែវគឺជាខេត្តមួយដែលមានវ័យចំណាស់ជាងគេក្នុងប្រវត្តិសាស្រ្ត ដែលមានប្រវត្តិទាក់ទង់និងអាណាចក្រភ្នំ និងចេនឡា។ ខេត្តតាកែវមានប្រាសាទបុរាណចំនួន ៣៤ ដែលបុព្វបុរសខ្មែរយើងបានបន្សល់ទុក ហើយក៏ជាដួងព្រលឹងនៃប្រជាជនខ្មែរកាលជំនាន់នោះនិងប្រទេសកម្ពុជាយើងផងដែរ។ បច្ចុប្បន្នខេត្តតាកែវមានប្រាសាទ ដែលមានរូបរាងច្បាស់លាស់ចំនួន ៩កន្លែងដែលទាក់ទងនឹងប្រវត្តិសាស្រ្តគឺ៖

វត្ថុអនុស្សាវរីយ៍ក្នុងតំបន់

កែប្រែ

ទាំងនេះគឺជាហូលខ្មែរ ផាមួង និងក្រមាសូត្រដែលជាស្នាដៃរបស់ស្រ្ខ្តីខ្មែរនៅក្នុងស្រុកសំរោង។ ផលិតផលទាំងអស់នេះត្រូវបានទិញនៅគ្រប់វិស័យ កីឡា ទេសចរណ៏និងទីផ្សារក្នុងស្រុក។ ហើយពួកវាត្រូវបានផលិតឡើងក្នុងគុណភាពល្អបំផុត និងមានប្រយោជន៏សម្រាប់ការតុបតែងផ្ទះ និងការប្រើប្រាស់។ យើងអាចរកទិញបាននៅតាមទីផ្សារមួយចំនួនណៅក្នុងខេត្តតាកែវ ដូចជា ផ្សារ អង្គតាសោម ផ្សារសំរោងយ៉ោង និងនៅតាមទីផ្សារផ្សេងៗទៀតនៅក្នុងខេត្តតាកែវ និងនៅក្នុងប្រទេសកម្ពុជាផងដែរ។ ទាំងនេះគឺជាផ្នែកមួយនៃអត្តសញ្ញាណខ្មែរ។ ទោះជាយ៉ាងណាពួកវាត្រូវបានគេត្បាញនៅក្នុងខេត្តជាំច្រើនក្នុងប្រទេសកម្ពុជា។ សូមអញ្ជើញមកទស្សនា និងទិញផលិតផលទាំងនេះដែលមានតម្លៃតោកសមរម្យ ហើយមានគុណភាពខ្ពស់។

អាកាសធាតុ

កែប្រែ
 
អ្នកនេសាទនៅជិតអង្គរបូរី ខេត្តតាកែវ

ខេត្តតាកែវមាន ៤រដូវគឺ រដូវរងា ចាប់ពី វិច្ឆិកាដល់ខែកុម្ភៈ និង មានរដូវលំហែរមានប្រាំង និង វស្សា ចាប់ ខែមិនា ដល់ខែឧសភា រដូវភ្លៀងមានចាប់ពី ខែមិថុនាដល់ខែតុលា។ ទីក្រុងដូនកែវ ខេត្តតាកែវ គឺជាក្រុងដែលមានភ្លៀងធ្លាក់ច្រើន នៅថ្ងៃដែលក្តៅ មានកំដៅរហូតទៅដល់ ៣៧អង្សា ហើយបើត្រជាក់ជាងគេវិញមានរហូត ២១អង្សា។

ការអភិវឌ្ឍ

កែប្រែ
 
ទិដ្ឋភាពវិមានឯករាជ្យទីក្រុងដូនកែវនៃខេត្តតាកែវ

ចំពោះការអភិវឌ្ឈវិញមានភាពរីកចំរើននិងងាយស្រួលជាងមុន ដោយមានផ្លូវជាតិ ផ្លូលំ សាលារៀន មន្ទីរពេទ្យ។ ចំពោះផ្នែកសន្ដិសុខវិញមានសណ្ដាប់ធ្នាប់ល្អគ្មានអំពើលួចឆក់ប្លន់ ដែលប៉ះពាល់ដល់ការប្រកបរបររបស់ប្រជាជនឡើយ។ មិនត្រឹមតែប៉ុណ្ណោះប្រព័ន្ធអគ្គីសនីវិញមានស្ទើគ្រប់ផ្ទះ និង មានទឹកគ្រប់គ្រាន់សម្រាប់ប្រើប្រាស់ក្នុងជីវភាពប្រចាំថ្ងៃ ។ ក្នុងឆ្នាំ២០១៧ នេះប្រជាជនប្រមាណ ៤០%ហើយដែលបានប្រើប្រាស់ទឹកស្អាតរាជរដ្ឋាភិបាលកំពុងតែខិតខំរៀបចំទឹកស្អាតដល់ប្រជាជនទូទាំងខេត្ត តែប្រជាពលរដ្ឋហាក់ដូចជាមិនចង់បោះបង់ចោលទម្លាប់ចាស់របស់ពួកគេ ក្នុងការប្រើប្រាស់ទឹកស្រះ និងទឹកអណ្ដូងឡើយ។ ក្រុមមន្ត្រី នឹងខិតខំជំរុញពួកគេឲ្យងាកមកប្រើប្រាស់ទឹកស្អាតវិញ។ បើប្រៀបធៀបខេត្តកំពង់ស្ពឺ កំពត កណ្ដាល ដែលជាខេត្តដែលនៅភាគខាងត្បូងនិងមានព្រំដែនជាប់ជាមួយប្រទេសវៀតណាម ខេត្តតាកែវគឺជាខេត្តដែលជាប់ចំណាត់ច្នាក់ ហើយមានភ្ញៀវទេសចរណ៏ទៅទស្សនាជាច្រើន។ អ្នកទស្សនាភាគច្រើនជាជនជាតិខ្មែរដែលពួកគេច្រើនទៅទស្សនាប្រាសាទបុរាណនៅចុងសប្តាហ៏។

សេដ្ឋកិច្ច

កែប្រែ
 
វាលស្រែខេត្តតាកែវ

សេដ្ឋកិច្ចខេត្តតាកែវជាមូលដ្ខានគឺពឹងផ្អែកលើការធ្វើកសិកម្ម ការនេសាទ ការដាំដំណាំស្រូវនិងផ្លែឈើ ជាពិសេសគឺនៅតាមជនបទ។ ចំណែកនៅតាមទីប្រជុំជនវិញ ប្រជាជនច្រើនប្រកបរបរលក់ដូរ និងការប្រកបរបរអាជីវកម្មផងដែរ។ ហើយក៏មានសក្ដានុពលផងដែរចំពោះវិស័យទេសចរណ៍។

ផ្សារ

កែប្រែ

សំរាប់ផលិតផល ត្រី ផ្លែឈើ បន្លែ សាច់ និងផលិតផលវេចខ្ចប់ មួយចំនួនជាផលិតផលក្នុងស្រុក និងភាគច្រើននាំចូលមកពីប្រទេសវៀតណាម។ ភាគច្រើននៃហាងលក់ម្ហូបអាហារ និងភេសជ្ជៈ គឺនៅជុំវិញផ្សារ។

ផ្សារនៅខេត្តតាកែវរួមមាន

  • ផ្សារកំពង់ជ្រៃ
  • ផ្សារកោះអណ្ដែត
  • ផ្សារគិរីវង់(ឃុំព្រៃរំដេង)
  • ផ្សារក្បាលពោធិ៍
  • ផ្សារតាកែវ
  • ផ្សារដើមរកា
  • ផ្សារត្រពាំងអណ្ដើក
  • ផ្សារត្រាំកក់
  • ផ្សារត្រាំខ្នារ
  • ផ្សារថ្នល់បែកគុស
  • ផ្សារទន្លាប់
  • ផ្សារធំ
  • ផ្សារបត់រកា
  • ផ្សារព្រៃល្វា
  • ផ្សារព្រៃសណ្ដែក
  • ផ្សារព្រំដែនថាម៉ូ
  • ផ្សារភ្នំដិន
  • ផ្សារឫស្សីស្រុក
  • ផ្សារសៃវ៉ា
  • ផ្សារសំរោងយ៉ោង
  • ផ្សារអង្គតាសោម
  • ផ្សារអង្គរកា
  • ផ្សារអង្គរបុរី
 
បឹងតាកែវស្ថិតក្នុងខេត្តតាកែវ

រូបភាព

កែប្រែ

ឯកសារយោង

កែប្រែ
  1. ↑ General Population Census of Cambodia 2020 - Provisional population totals, National Institute of Statistics, Ministry of Planning, 3 September 2020
  2. ↑ Municipality and Province Investment Information: Takeo Province Archived 2019-07-12 at the វេយប៊ែខ ម៉ាស៊ីន.
  3. ↑ ក្រសួងផែនការ និងស្ថិតិ ជំរឿនឆ្នាំ២០១៩
  4. ↑ [១]
  5. ↑ "លោក វ៉ី សំណាង ត្រូវបានព្រះមហាក្សត្រត្រាស់បង្គាប់ផ្ទេរមុខតំណែងពីអភិបាលនៃគណៈអភិបាលខេត្តកំពង់ស្ពឺ និងតែងតាំងមកជាអភិបាលនៃគណៈអភិបាលខេត្តតាកែវ". ព័ត៌មាន EAC (in kh). Retrieved 2024-10-05.{{cite web}}: CS1 maint: unrecognized language (link)
  6. ↑ "ព្រះមហាក្សត្រ ចេញព្រះរាជក្រឹត្យផ្លាស់ប្តូរ និងតែងតាំងអភិបាលខេត្តចំនួន០៨រូប | PRESS OCM I អង្គភាព​ព័ត៌មាន​ និងប្រតិកម្មរហ័ស". 2024-06-25. Retrieved 2024-10-05. {{cite web}}: zero width space character in |title= at position 97 (help)
  7. ↑ វីរៈ (27-03-2018). "លោក ឡាយ វណ្ណៈ អភិបាលខេត្តតាកែវត្រូវបានផ្លាស់ប្ដូរតួនាទីជំនួសដោយលោកអភិបាលរងខេត្តវិញ". http://kampucheathmey.com/2016/archives/876441. 
  8. ↑ "បញ្ចប់​តំណែង​លោក​​ឡាយ វណ្ណៈ តែងតាំង​លោកអ៊ូច ភា ជំនួស​". Koh Santepheap Daily. 2018-03-28. Retrieved 2024-10-05. {{cite web}}: zero width space character in |title= at position 7 (help)
បានពី "https://km.wikipedia.org/w/index.php?title=ខេត្តតាកែវ&oldid=312481"