វត្ត
វត្ត គឺជាទីកន្លែងសម្រាប់គោរពបូជា ជាកន្លែងសម្រាប់ព្រះសង្ឃគង់នៅ។ វត្តអារាមមានន័យថាជាទីរីករាយ ។[១] វត្តអារាម គឺជាប្រភេទនៃទីកន្លែងនៃប្រាសាទ ដែរបូជានូវព្រះពុទ្ធសាសនា និងប្រាសាទព្រហ្មញ្ញសាសនាដែរយើងហៅថាវត្តអារាមហើយក៏ស្ថិតនៅក្នុង ប្រទេសកម្ពុជា ប្រទេសឡាវ រដ្ឋសានខាងកើត ខេត្តយូណាន និង ប្រទេសថៃ។វត្ត គឺជាទីដែលមានវត្តប្រតិបត្តិ អាវាសឬអារាមជាទីនៅអាស្រ័យរបស់ពួកសមណៈ[២]ពាក្យនេះមានអត្ថន័យខុសៗគ្នាតាមតំបន់នីមួយៗ ជួនកាលសំដៅទៅលើប្រភេទជាក់លាក់នៃប្រាសាទដែលទទួលស្គាល់ដោយរដ្ឋាភិបាល ឬប្រាសាទធំៗ ពេលខ្លះសំដៅទៅលើប្រាសាទពុទ្ធសាសនា ឬព្រាហ្មណ៍ណាមួយ។ ឧ.ទា ប្រាសាទអង្គរវត្ត ។
![](http://upload.wikimedia.org/wikipedia/commons/thumb/d/df/Phnom_Penh%2C_Silver_Pagoda_%286198785274%29.jpg/220px-Phnom_Penh%2C_Silver_Pagoda_%286198785274%29.jpg)
![](http://upload.wikimedia.org/wikipedia/commons/thumb/d/db/2016_Phnom_Penh%2C_Wat_Phnom_%2807%29.jpg/220px-2016_Phnom_Penh%2C_Wat_Phnom_%2807%29.jpg)
តួនាទីរបស់វត្តអារាម
កែប្រែវត្តអារាមគឺជាឬសគល់នៃព្រះពុទ្ធសាសនានៅប្រទេសកម្ពុជា វត្តអារាមជាទីកន្លែងស្ងប់ស្ងាត់ត្រជាក់ត្រជុំជាឧទ្យានប្រកបដោយប្រឹក្សានិងជាទីស្នាក់អាស្រ័យរបស់អ្នកបួសដើម្បីកាត់ផ្ដាច់ការជំពាក់និងជីវភាពរស់នៅរបស់មនុស្សនិងជាកន្លែងសក្ការៈបូជា។ វត្តអារាមមានតួនាទីសំខាន់ៗដូចជា:
• ជាកន្លែងស្ងប់រំងាប់ចិត្តឲ្យផុតពីកង្វល់ក្នុងជីវិត
• កន្លែងបណ្ដុំសីលធម៌ គុណធម៌ និង បណ្ដុះបណ្ដានៃបុណ្យកុសល
• ជាមន្ទីរពេទ្យសម្រាប់ព្យាបាលខាងផ្លូវចិត្តរបស់ពួកបរិស័ទនិងប្រជាជន
• ជាឃ្លាំងចំណេះដឹង ជាបណ្ណាល័យ ជាសារមន្ទីរនៃវប្បធម៌អក្សរសាស្ត្រជាតិ
• ជាកន្លែងអប់រំខាងវិជ្ជាជីវៈផ្សេងៗ
• កន្លែងជ្រកកោនរស់នៅរបស់អ្នកក្រទុរគត សិស្សនិស្សិតដែលត្រូវបន្តការសិក្សា។